Osimhen double secure Nigeria place for Caf 2026 World Cup play-off final

Goals from Victor Osimhen don push Nigeria final of Caf 2026 World Cup play-off.

Di game hot up till di extra time and Nigeria get four goals wey push dem for di next round of di play off.

Wit dis 4-1 scoreline, Nigeria advance to di final of African play-offs.

Di game bin end for 1-1 scoreline afta 90 minutes afta Akor Adams first score for Nigeria and Gabon player Mario Lemina equalise for di 89th minutes.

Afta added minutes, and Victor Osimhen miss late minute one-on-one, di game enta extra time.

Ejuke score im first goal for di Super Eagles for di 97 minutes while Osimhen top di goals.

Nigeria go face Cameroon or DR Congo for Africa play-off final on Sunday (19:00 GMT).

Na di winners of dat match go progress to a six-team intercontinental qualifier, wia two oda nations go join di 2026 World Cup.

Na four kontris dey compete for di 2026 World Cup Africa qualifiers play-offs to reduce to one during dis international window- Nigeria don sail through.

Nigeria don face di first stage and dem don sail through and go face anyone wey win between DR Congo or Cameroon.

Nigeria 4 vs 1 Gabon

FINAL WHISTLE

120mins- Wat a chance for Gabon, but Nigeria defender bin clear di ball comot go corner

119mins- Frank Onyeka down afta serious tackle from Samake Nze or Gabon. Di two of dem chop YELLOW CARD

SUBSTITUTION' Victor Osimhen out, Arokodare in for Nigeria

116mins- Gabon players know say dis game don dey ova for dem, but dem still dey struggle to find goal

YELLOW CARD- Moussounda chop yellow card

113mins- Good game from di Super Eagles of Nigeria as dem dey dominate di game now

111mins- Di ball don return to play, as Gabon don dey weak since Nigeria don drop three goals for dia hand

110mins-Incredible goal by Victor Osimhen, e first chest di ball as e land for im side, den use im leg put am up, e look for chance by pushing di ball forward, den e STRIKE di ball for di back of Gabon goalkeeper.

Nigeria 4 vs 1 Gabon

'GOOOAAAAAAALLLLL

108mins- SUBSTITUION, Iwobi, Osayi-Samuel out, Awaziem and Troost-Ekong in for Nigeria

107mins- Nwabali almost make mistake for Aubameyang to score, but e quickly play di ball comot for post line

We don come back for di second

Nigeria 3 vs 1 Gabon

EXTRA-TIME HALF-TIME

Referee blow whistle

105+4mins- Frank Onyeka fall down sake of di challenge from Denis Bouanga. Referee blow foul

105+2mins- Gabon dey under serious pressure to score again, but shey dem go fit keep up wit two more goals? Nigeria dey gain dominance ova Gabon

FOUR ADDED MINUTES

104mins- Alex Iwobi dey do im own magic wit di ball

SUBSTITUTION- Obasogie in for Nigeria

Nigeria 3 vs 1 Gabon

102mins- Victor Osimhen give Nigeria anoda brilliant goal. Good assist from Fredrick, and Osimhen complete am

'GOOOOOAAAALLLLLLLL

102mins- Frank Onyeka run wit di ball

100mins- SUBSTITUTION- Meyo and Lemina out, Oyono don enta for Gabon

99mins- Ejuke down, afta hard tackle from Gabon player

97mins- Ejuke put di Super Eagles for anoda lead for di extra-time. Well positioned ball, e put am for di back of Gabon goalkeeper

Nigeria 2 vs 1 Gabon

GOOOOAAAAAAAAAAALLLLL

96mins- THROW-IN for Gabon, oh, Lemina no fit control am, afta Nigeria player tackle am

94mins- Anoda great SAVE by Gabon goalkeeper. Good charge by Osimhen

92mins- Calvin Bassey and Sanusi dey square-play for di middle, while Gabon dey attack wit pressure

Nigeria 1 vs 1 Gabon

90mins- Di game is on di way, di stadium fans dey in surprise of how di first 90 minutes bin finish

We dey go into di extra time now, na dis go give us anoda look of how di match go end. Stadium for Rabat dey hot wit emotions and shouts.

EXTRA-TIME

Nigeria 1 vs 1 Gabon

Final Whistle

Dat miss for Nigeria go don put dem for good lead as di final whistle dey close. What a brilliant game.

90+11mins - Victor Osimhen play away a one-on-one target, e dey face di goalkeeper like dis but e play am away.

MISSED CHANCE, Osimhen!!!!

Ejuke wit di ball, oh no, goalkick, e no quick play di ball

90+7mins- CORNER for Nigeria, Moses Simon again to take am. E play am up, headed into Gabon box. Aubameyang play am go corner

Ejuke wit di ball, good dribble, e enta Gabon players, e find Calvin Bassey, ball still in play. Anoda corner

CORNER for Nigeria, dem go fit convert am? Moses Simon to take di corner.

90+4mins- Di game don dey hot now oooo. Abi na extra time dis pipo wan go into?

90+1mins- WHAT A CHANCE. Osimhen get di ball, oh no, e play am near di post

12 MINUTES ADDED TIME

Nigeria 1 vs 1 Gabon

What a goal dat was, di shot wey Lemina bin play deflect enta Nigeria net

99mins- Mario Lemina equalise for Gabon

GOOOOAAAAALLLL

87mins- Moses Simon wit good attack for di middle, Gabon looking for an equaliser to give dem hope for dis game

85mins- Long Range shot from Osimhen, but e no go near post

If Nigeria wan defend dia game well, make dem hold Lemina and Aubameyang well, as di two fo dem dey enta Nigeria defence well well

84mins- SUBSTITUTION' Gabon wit Didier Ndong out, Nze in.

SUBSTITUTION- Akor Adams out, Frank Onyeka in for Nigeria

82mins- ANODA CHANCE. Osimhen wit di heavy shot, but off-side

80mins- Nigeria dey lead now, and di game don dey show more pressure as Gabon dey find equaliser

Nigeria 1 vs 0 Gabon

Akor Adams put in di ball to put Nigeria for di lead. Nobodi expect dat ball, di defence line dey so empty

78mins- GOOOOAAAAAAAAAALLLLLL

77mins- SUBSITTUTION, Meyo and Lemina in, Openda and Koko out for Gabon...

Be like say Nwabali want make dem change am

72mins- Stanley Nwabali dey veri confident for di goalpost, but e don dey down afta one Gabon player bin charge am. E kick di ball out, but im leg hit di player

Moses Simon dey try change di scoreline, wit impressive crosses

70mins- Great dribble by Simon, but di ball to high for Osimhen to head. Dat na Simon first cross

67mins- Osimhen use back hit di ball, e for convert am if to say na im front di ball bin land

Nwabali wit di ball for front of goalpost wia Gabon player bin block di ball wey e wan play go out

65mins- CORNER for Nigeria, dat ball too much ooo, nobodi to head am

Ejuke carry di ball, great cross, but Gabon player Manga hit am go corner.

64mins- CORNER- Gabon get one corner, dem play am enta anoda corner. So much Pressure here for Nigeria. Anoda corner again.

Dem play three corners one afta di oda, Nwabali catch di last one.

62mins- Gabon wit di ball, veri fast as usual. Hard tackle on Ndidi as Gabon player pull im shirt, but referee blow free kick for Gabon.

Osimhen head di ball comot for post

60mins - Ndidi wit great run to recova di ball,

59mins- SUBSTITUTION' Ademola Lookman out, Moses Simon in for Nigeria. Chukwueze out, Ejuke in

59mins- Calvin Bassey wit good tackle on Bouanga

57mins- CORNER KICK still on for Gabon, dem quickly play am

No Penalty!!! What a relief for Nigeria. Afta plenti checks by di referee and di VAR room, dem say di pull wey Samuel give Gabon player no be penalty

50mins- FREE KICK for Gabon, afta Sanusi push Gabon player for front of di box. Dis one dey dangerous oooo. Be like shirt pulling dey for inside Nigeria box 18, referee dey check if na penalty or not afta one Gabon player fall for inside Nigeria box

48mins- Gabon dey kontrol di ball so far for dis second part of di game, Aubameyang wit some show of dribbles but e neva fir convert am

46mins- We are back for di second half of di game between Nigeria and Gabon, and di ball is in play afta di referee blow whistle

Second Half

Nigeria 0 vs 0 Gabon

HALF-TIME

Referee don blow WHISTLE!!!

45+6mins- Nwabali pursue di ball, as e pass am give Iwobi

Haaaaaaaa, Aubameyang ooooooo. Wonderful challenge by Fredrick, di ball go corner.

Calvin Bassey dey hold di defence line well, wit odas

45+4mins- Aubemayang wit di ball, chaaiii, see as e dribble Nigeria defender, but e play di ball into Nwabali hand

Ademola Lookman and Samuel step forward to play di kick, Lookman take am, e play am for up ontop di goalkeeper head, but Gabon goalkeeper catch am from up

FREE KICK for Nigeria

45+2mins- Nigeria in play, Ademola Lookman wit di move, good dribble, ouch Andre Poko don fall am down.

6 MINUTES ADDED TIME

45mins- So much pressure on Gabon, as dem dey play veri fast ball, to enta Nigeria defence

Nigeria 0 vs 0 Gabon

WHAT A CHANCE!!!! Openda shot stop for Stanley Nwabali front ooo

YELLOW CARD - Pierre Aubameyang

43mins- Lots of tension here, wit eyes on Osimhen, Gabon don begin play strong defensive game so Nigeria no go break into dia wall, but di Super Eagles dey try break di wall

41mins- So far, Nigeria don get good five shots on target. Good SAVE by Gabon goalkeeper. Di flag bin go up, but later come down

38mins- Referee don give di players small break to rest oooo, as Gabon goalkeeper dey receive treatment. Gabon coach dey also follow im players tok

37mins- Nigeria lose di ball ooooooo, counter attack for Gabon. Aubemeyang catch di ball, great run.

Ewwooooo, e pass give Bouanga. Bouanga wit di shot, but Nigeria defender block am

CORNER for Nigeria

35mins- Good shot by Osimhen but dem block am

34mins- Aubameyang no too show for dis match ooooo. Victor Osimhen dey show Gabon midfield say im dey for di game, as e turn dem

THROW-IN for Gabon. Jacques Ekomie move forward to throw am, but referee blow foul throw-in.

32mins- CORNER for Gabon, Openda win a corner for di Gabon team afta im fast run.

Nigeria 0 vs 0 Gabon

Osimhen wit di ball, Lookman don position for am, e pass give Chukwueze, but e no see di ball play

31mins- Veri sharp dribble by Ekomie, veri fast but nobodi to pass give.

29mins- No be GOAL oooooo, Referee cancel am say di ball no enta and no be handball. Di match don kontinue

27mins- NA GOAL? Wetin happun for dia? Osimhen head di ball into di net but di goalkeeper push am out afta e don near di touchline. Referee dey try decide if na goal or not.

Gabon pull out di ball, dem dey run go Nigeria box. But Nwabali dey dia to stop am

24mins- Osimhen wit di ball, great run, Shey e go shoot? Make we see, Osimhen run wit di ball, enta Gabon post. Give pass to Osayi, Oh no, Osayi no shoot am well, di ball just hang for im leg.

Nigeria dey give some good energy to charge di Gabon players, and dem dey control ball well for dis first half, but Gabon too no gree as dem dey try set di midfield well

22mins- Good chances for Nigeria as dem dey try dominate di game, Ademola Lookman wit di ball, moving into di box 18. Long shot blocked again, from Lookman

20mins- WHAT A SAVE!!! Gabon goalkeeper Mbaba bin save Osimhen header. Dat na veri strange save

Nigeria 0 vs 0 Gabon

18mins- Dem don carry Osimhen comot for pitch as di medical dey attend to am. Di ball don return to play

Osimhen is down afta e jam wit Gabon goalkeeper.

16mins- Osimhen come out ooooo, e don jam di goalkeeper. Brilliant cross from Adams from di side of di box.

Nigeria get good chance for front of Gabon box but dem no dey convert dis tin to goal, Alex Iwobi shot wey e play, di defender block am

13mins- Stanley Nwabali wit di good SAVE, e catch di long shot by Anthony Oyono.

11mins- Pierre Aubameyang dey dis game for Gabon, and im skills neva show yet as ball neva reach im side for front of Nigeria goalpost. Na one of dia ogbonge player wey fit make anytin happun for dem wen e concern goal.

What a wide shot by Alex Iwobi, di ball go ova di bar from di edge of di box.

9mins- Calvin Bassey wit di strong touch on di ball. Big foul on Samuel Osayi by Mario Lemina of Gabon.

7mins- FREE Kick for Gabon, Ndong sharply play am, wit good pass to im teammate, dem dey move wit di ball, but Nigeria defender stop and collect di ball

YELLOW CARD - Ndidi chop yellow card afta e do hard tackle on Didier Ndong of Gabon.

5mins- Dangerous position for di Super Eagles as Royce Openda carry di ball enta Nigeria box 18, e try dribble, but e kick am out.

3mins- Good Chance for Nigeria, But Gabon goalkeeper Loyce Mbaba catch am.

Hard tackle of Sanusi by Didier Ndong

2mins - Alex Iwobi and Sanusi dey play togeda for di middle, as dem dey pair wit Ademola Lookman.

Wat a wide shot from di Nigerian player, but di Gabon goalkeeper catch di ball.

FREE KICK for Nigeria.

1mins' - Referee don blow whistle and di match don start

0mins' - Dem sing di Nigeria National anthem, followed by di Gabon anthem and di players dey stretch

Dis no be di first time wey Nigeria and Gabon dey face each oda for tournament but dis one go hot pass wetin pipo tink becos say na 2026 World Cup play-off.

Super Eagles of Nigeria no just dey go World Cup, but Gabon neva go World Cup bifor- so both teams go fight wit dia power to make am through.

Nigeria 0 vs 0 Gabon