Rwanda beat Nigeria 2-1 for dia last Afcon qualifier game

Di Super Eagles of Nigeria chop defeat for dia homeland as Rwanda score two goals to give diasef a chance for di African Cup of Nations (Afcon) qualifiers game.

But Rwanda no go still proceed becos Benin republic don qualify for di Afcon 2025.

Nigeria get 57% ball possession while Rwanda get 42% ball possession for dis game.

For di 59th minutes, Samuel Chukwueze put in a veri good goal as e drive through into di middle of di Rwanda defenders to put di ball into di net.

Meanwhile, three-time continental champions Nigeria dey among di kontris wey don qualify for di 2025 Afcon.

E no too long wen Frank Onyeka stay wit di ball wit a good shot but e dey blocked by di defenders.

By di 72nd minutes, Mutsinzi Ange score for Rwanda from a comfortable side and no defender follow am struggle for di ball. na di goal give Rwanda di equaliser.

Three minutes afta, Nshuti Innocent put di ball for back of di net for Rwanda.

Sadly, by di 75th minute Rwanda dey lead already while Nigeria dey struggle to find more goals.

Both Ola Aina and Ademola Lookman no dey dis game sake of say dem go dia club to play a game for di weekend.

Starboy goalkeeper Stanley Nwabali no dey around too sake of personal matter, na why Maduka Okoye enta di goalpost as keeper.

Dis 1-2 result no really affect Nigeria for di Afcon table becos dem don qualify alreadi but many Nigerians no dey happi.

How di match happen

FULL-TIME

Nigeria 1 vs 2 Rwanda

FINAL WHISTLE

90+5mins- Samuel Chukwueze wit di last minute shot into di goal post but e no score.

90+3mins- Frank Onyeka wit di move again, but Osimhen dey offside. Referee blow

Good Attempt!!! But di Rwanda goalkeeper stop am. Frank Onyeka dey try small small.

90+1mins- Moses Simon wit good dribble.

5Mins Added Time

90mins- Nigeria defender dey give so much space for di Rwanda team but dem no dey ginger at all

89' SUBSTITUTION- Victor Boniface out, Umar don enta for Nigeria.

88mins- Chkwueze playing good forward ball coordinating di game from di front.

86' OFFSIDE- Be like say Moses Simon sabi dis pass eehh, good pass to Chukwueze but na off.

85mins- Onyeka wit di fast ball. Nigeria trying to play a calm ball.

Anoda Chance Missed!!! Victor Boniface lose dat ball afta a good dribble inside di box 18.

82mins- Good set piece by di Rwanda players, good dribble.

80mins- Onyemachi playing from di wing to find Boniface but di Rwanda team dey play correct ball as dem don dey ginger.

SUBSTITUTION. Victor Osimhen don enta ooooooooo.

Nigeria 1 vs 2 Rwanda

Rwanda score again. Nshuti Innocent put di ball for back of di net

75' GOOOAAAAALLLL

74mins- Di Nigeria team dey relaxed for dis game. E fit be becos say dem don qualify

Mutsinzi Ange score for Rwanda from dat comfortable side and no defender follow am struggle for di ball.

72' GOOAALLLLL

70mins- Frank Onyeka wit di ball, good shot but blocked by di defenders.

Corner for Nigeria as Chukwueze quickly take am but di keeper push am comot.

Good Attempt by Victor Boniface wey still dey find a goal for Nigeria.

68' SUBSTITUTION - Ntwari Fiacre out, Buhake enta as Rwanda goalkeeper.

66mins- Ntwari Fiacre, di Rwanda goalkeeper dey affected wit some kneel injury.

62mins- Anoda chance for Nigeria, but Chukwueze no fit catch up wit di ball.

61mins- Rwanda don make dia changes as Bosco don comot but dem go still need 2 goals to progress.

59' Samuel Chukwueze!!!!. Dat na veri good goal as Chukwueze drive through into di middle of di Rwanda defenders.

Nigeria 1 vs 0 Rwanda

GOOOAAALLLLL

Nshuti dey pocketed by captain Troost-Ekong.

55mins- Maduka Okoye dey do veri good goalkeeping today as e dey catch all di ball wey come im side. Di Rwanda team be like say dem dey desperate for goal.

50mins- What A Chance!!! Bonifaceeeeeeee. What a free header, dat was almost a goal for Nigeria to lead di game. Victor Boniface give one good header from di corner kick wey Moses Simon give am.

Corner kick for Nigeria. Moses Simon go take am.

47mins- Moses Simon neva stop to dey dribble di Rwandans.

45mins- Di second half don begin and na still goalless draw but di Rwanda team wan make di different so dem go fit qualify

SECOND HALF

HALF-TIME

Nigeria 0 vs 0 Rwanda

Moses Simon again, e find Victor Boniface... ohhhhh pass blocked.

2Mins Added Time

45mins- Moses Simon dribble from di corner, good crossing into di box 18. Kelechiiiiiiiii, oh good moment for di Super Eagles but di shot by Iheanacho dey blocked by di goalkeeper.

44mins- Poor tackle byMugisha Gilbert against di Nigeria midfielder.

43mins- Corner kick for Rwanda afta Osho give a good tackle to Bizimana Djihad. But di corner no produce any goal.

41mins- Gabriel Osho wit good defence against di Rwanda team. Moses Simon wit incredible run from di front but di Rwanda defenders stand gidigba.

Anoda good tackle by di Nigeria defender.

39mins- Free kick for Rwanda straight to di hand of Nigeria goalkeeper Maduka Okoye.

Nigeria 0 vs 0 Rwanda

36mins- Captain Troost-Ekong wit good tackle.

30mins- Victor Boniface wey still dey find goal for Nigeria dey confident wit di ball today like always. e carry di ball wit some impressive moves to find goal, but di Rwanda players no shake.

25mins- Rwanda goalkeeperNtwari Fiacre dey active for goalpost today as e dey try help im kontri qualify for di Afcon game in 2025.

A win for Rwanda go give dem big hope to qualify.

20mins- Di two teams dey play wit confidence to find goal wey go add to dia points for di qualifiers table

Manzi Thierry wit good dribble for di middle but di Nigeria midfielder no gree for am.

14mins- Rwanda go dey hope to find a point but be like say Super Eagles no go gree even though dem don qualify alreadi.

12mins- Ruboneka Bosco carry di ball, move forward to scare di Nigeria defenders but dem block am. Di players dey relaxed.

10mins- Corner for Nigeria. Kelechi Iheanacho take di corner, but di goalkeeper punch di ball out.

9mins- Dele-Bashiru get di ball. Ohhhhhhh, Alhassan find di ball, na counter oooo, but di defender recova and block di pass wey e wan give Boniface.

8mins- Onyedika play wit Iheanacho for di side as dem try free up space go di middle but Alhassan wey dem give di ball chop hard tackle.

7mins- Rwanda dey find one point to qualify. Omborenga dey play good defence for Rwanda as e dey block everi ball wey dey come im way.

Ola Aina no dey dis game, Ademola Lookman no dey dis game too sake of say dem go dia club to play a game for di weekend

5mins- Moses Simon carry di ball, more forward to give a beautiful crossing but di Rwanda defenders block am. Di ball don go back to Rwanda players

3mins- Nshuti of Rwanda playing good ball for di Nigeria box 18 but di defenders block am from going further to dia goalpost

2mins- Alhassan take di ball from di middle, pass am give Dele-Bashiru but di shot wey e fire dey blocked.

Bright Onyemachi take free kick for Nigeria.

0mins- Di match don start for di Godswill Akpabio stadium for Uyo

Nigeria 0 vs 0 Rwanda

FIRST-HALF

Team squad

Nigeria: 1. Okoye (GK), 2. Osayi-Samuel, 6. Osho, 13. Onyemaechi, 5. Ekong (C), 20. Onyedika, 10. Dele-Bashiru, 12. Alhassan, 22. Boniface, 14. Iheanacho, 15. Simon

SUBSTITUTES

16. Obasogie, 9. Osimhen, 8.Onyeka, 19. Umar, 17. Iwobi, 18. Collins, 4. Ndidi, 11. Chukwueze, 21. Bassey

Rwanda: 1 Ntwari Fiacre (GK), 13 Omborenga Fitina, 3 Imanishimwe Emmanuel, 5 Mutsinzi Ange, 17 Manzi Thierry, 15 Mugisha Bonheur, 4 Bizimana Djihad (C), 7 Ruboneka Bosco, 12 Mugisha Gilbert, 19 Nshuti Innocent, 16 Dushimirimana Olivier

SUBSTITUTES

Buhake,Gad, Taiba, Hadji, Jojea, Muhire, Rubanguka,Samuel Niyomugabo, Gilbert, Kavita Niyigena