Wetin be Canada four new pathways for pipo to japa in 2025
Wia dis foto come from, Getty Images
Canada dey ready to launch four new permanent recidency (PR) pathways in 2025.
Dis na despite say dem don reduce dia kontri annual immigration targets.
Dem design dis new programs to address labor shortages, encourage language diversity, and meet di caregiving and economic needs of Canada communities, Canadian authorties tok.
Dis new programs from Immigration, Refugee, and Citizenship Canada (IRCC) go mark one major shift in Canada immigration structure.
Authorities further tok say e go focus on community-centered pathways wey go dey smooth.
Dis tori go breakdown dis four pathways wey dem tok—di two enhanced caregiver pilot programs and di two community-focused pilots —and di opportunities wey pipo wey wan japa for 2025 fit get.
Enhanced Caregiver Pilot Programs
Di two enhanced caregiver pilots na for pipo wey dey do home care jobs. Di reason na say e go help dem to secure permanent recidency once dem land for Canada.
Dis pilots aim na to make di permanent recideny process simple while dem dey meet di demand for professional caregiver services wey kontinu to grow across di kontri.
Di enhanced caregiver pilot prgrams na di Home Child Care Provider Pilot and Home Support Worker Pilot. Wey dey exist bifor.
Di new caregiver pilots na key step to address Canada growing demand for professional caregivers, especially for home care services.
Dey also provide attractive immigration pathway for workers wey dey skilled and wish to build dia life in Canada while dem dey contribute to di community well-being.
Rural Community Immigration Pilot
Authorities say dem model di Rural Community Immigration Pilot initiative, afta di success of di Rural and Northern Immigration Pilot (RNIP), wey dem design to attract and retain skilled foreign workers for smaller, underserved communities.
Dem bin plan to launch am for late 2024 but now dey expected to open in 2025.
Authorities say dis program go focus on how to connect rural communities wit newcomers wey fit address labor shortages.
Di program dey focus on collaboration wit local communities, empower dem to identify di types of workers wey dem need and facilitate dia integration into di local workforce.
Francophone Community Immigration Pilot
Dis one go helep promote language diversity and support Francophone minority communities wey dey outside Quebec dey di heart of di Francophone Community Immigration Pilot.
Dis pilot focus on how to increase di number of French-speaking immigrants wey dey settle for Francophone minority communities across Canada.
Di aim na to support di economic development of Francophone communities, restore and increase di demographic weight of French-speaking populations outside Quebec.
Di pilot na part of Canada broader Francophone Immigration Policy, wey wan boost di cultural and linguistic diversity of di nation.
Wetin authorities dey expect for di Launch and Challenges
Di pilot launch don dey delayed, possibly maybe sake of di reduced quota for economic immigration pilots for Canada 2025 Immigration Levels Plan.
Di annual target for economic pilots don reduce from 14,750 to 10,920.
And dis fit affect di program implementation timeline.
Although authorities neva release di details and eligibility criteria for dis programs, dem encourage potential applicants to stay informed about updates from IRCC.
