"Kainji Dam" burst? Nigeria hydroelectricity power station managers clear rumours
Wia dis foto come from, Getty Images
Fears of electricity generation collapse begin fly upandan afta one tori of 'kainji dam burst' breakout, but Nigeria authorities do clear di mata about di present condition of di kontri hydroelectricity power station.
Di Nigeria Hydrological Services Agency (NIHSA) don tell Nigerians make dem fashi tori wey dey spread for town say explosion happen for Kainji Dam, say na fake news.
NIHSA Director-General, Clement Nze tok for statement say di dam dey safe and no explosion at all happen for di dam.
Di dam dey for New Bussa town, Borgu Local Goment Area of Niger State for north central Nigeria.
Dis article contain content wey X provide. We ask for una permission before anytin dey loaded, as dem fit dey use cookies and oda technologies. You fit wan read di X cookie policy and privacy policy before accepting. To view dis content choose 'accept and continue'.
End of X post
Wia dis foto come from, Nigeria Ministry of Water Resources
According to Nze, di Nigeria Hydrological Services Agency dey work togeda wit di pipo wey dey operate dams for di kontri and dem neva report anytin like dat.
"Notin happen for di dam, notin like dat, altho di dam dey full because of wetin dey happen for di Niger Republic and too much water, no threat at all.
"Di general public, especially di print and electronic media, suppose fashi di online fake tori wey dey claim say explosion happen for Kainji Dam."
Wia dis foto come from, Getty Images
Mainstream Energy Solutions wey be di pipo wey dey operate Kainji Dam also put out statement to clear di mata.
End of Di one wey oda users dey read well well
Wia dis foto come from, Mainsstream
