هغه جگړه چې هلته روانه ده متحدين په دې سلا دي چې بايللې يې نه ده خو دا له گټلو هم ليرې ده .

افغانستان اوس بيا د نړيوالې اجنډا په سر کې دى. هلته د ناټو د غړو هيوادونو ترمنځ دځواکونو د ويش په اړه د کړکيچ ډيريدونکى احساس شته دى .

افغان ولسمشر حامد کرزي او د هغه د ځينې مهمو متحدينو ترمنځ توپيردجگړې د لارې دټاکلو او پر طالب جنگياليو د لاسبري کيدو پر سر دى .

افغان ولسمشر حامد کرزي په کابل کې د ملگرو ملتونو د استازي په توگه له ډير درنښت څخه برخمن برتانوي ډيپلوماټ او سياسي شخصيت پيډې اشډون د ټاکنې مخنيوى وکړ .

او په تيرو اوونيو او يا يو څه ليرې د يوې خپلواکې ټولنې څيړنې او راپور په هيواد کې د لويديځ د تگلارې دبيړنۍ بيا کتنې غږ وکړ.

هغه جگړه چې هلته روانه ده متحدين په دې سلا دي چې بايللې يې نه ده خو دا له گټلو هم ليرې ده .

اوسنى حالت په افغانستان کې پر سيمه ييزو لاملونو ولاړ دى ،بيرته پاتې والى ، قبايليت او د مشرتابه څرنگوالى .

نا امنيي په بشپړ ډول له پولې اخوا پيښو پورې تړلې ده . اورپکو طالبانو په بې قانونه قبايلي سيمو کې کورونه جوړ کړي او له هغه ځايه دواړو هيوادونو ته ورننوزي .

بهرنيو لوبغاړو خپل مسوليتونه سره شريک کړل ، دوى په پريکنده ډول ستونزې وتللې .
دوى خپلې سترگې له عراق څخه افغانستان ته راواړولې :

(( دا د سوله ساتنې ماموريت نه دى )) د امريکا د بهرنيو چارو وزيرې کاندليزا رايز دغه خبره تيره ورځ په لندن کې وکړه او وېويل چې دا له اورپکۍ سره د مبارزې ماموريت دى.

خو دا تر اوسه نه ده څرگنده چې د ناټو څومره غړي هيوادونه له دې سره همغاړي دي له دې امله پخپله دغه تړون په خپل تاريخ کې له يو ژور ازميښت سره مخامخ دى.

ځينې زده کړې د وخت په تيريدو سره ترلاسه شوې .هلته ډيرټينگار پرراتلونکو همکاريو دى، د يو ښه او په پښو ولاړ حکومت د جوړولو او د نړيوالو هڅو پرښه سمبالولو.

اوس پوښتنه داده چې ايا دا به ډير ناوخت وي ؟ دا ډيره سخته ده چې وويل شي خو يو شى ډير څرگند دي او هغه دا چې له افغانستان سره نړيوالې مرستې په نژدې راتلونکي کې پايته نه رسيږي .