بابرا پليټ اسلام اباد

	هغه پاکستانيانو ته وويل چې دا به له ده سره د ولسواکۍ د ورانولو له دسيسې څخه د پاکستان د ژغورنې او د اسلامي اورپکۍ په وړاندې جگړه کې مرسته وکړي.

هغه دغه اعلان له هغې وروسته وکړ چې د ملکي ولسمشر په توگه يې لوړه وکړه .

ښاغلى مشرف د سخت سيمه ييز او نړيوال فشار لاندې دى چې له ټاکنو وړاندې قانون پلى اوبيړنى حالت پاى ته ورسوي .

دملي ټلويژون له لارې پرويز مشرف په هيواد کې د بيړني حالت ننگه وکړه .

هغه پاکستانيانو ته وويل چې دا به له ده سره د ولسواکۍ د ورانولو له دسيسې څخه د پاکستان د ژغورنې او د اسلامي اورپکۍ په وړاندې جگړه کې مرسته وکړي.

هغه قاضيانو ته ورگرځيدلى وو چې دده د ولسمشرۍ ټاکنه يې ناقانونه وگرځوله .ده بيړنى حالت اعلان کړ چې هغوى گوښه کړي .

د شپږو گوندونو مخالفه ټلواله چې پخوانى لومړى وزير نواز شريف هم په کې دى پريکړه کړې ده چې له ټاکنو سره پريکون وکړي.

اوس ده په خوندي توگه دبل پړاو لپاره د ولسمشر په توگه لوړه وکړه ، ښاغلى مشرف دېته چمتو دى چې قانون بيا واکمن کړي .

هغه هيله لري چې مخالفې ډلې تير وخت هير کړي او په ټاکنو کې گډون وکړي .

((اوس زه غواړم چې بيړنى حالت د ډسمبر پر ١٦ نيټه پاى ته ورسوم.اجازه راکړئ چې ټاکنې پرروښانه لار برابرې کړم.په ډيرې روښانه لار.

ټاکنې به د جنورۍ پر ٨ نيټه ترسره کيږي او هغه خلک چې د پريکون خبرې کوي هغوى به په دې ټاکنو کې بشپړه ونډه اخلي .))

دا هغه څه دي چې د ښاغلي مشرف لويديځوال متحدين يې غوښتنه کوي ، دوى رڼې ټاکنې غواړي چې په ازاد ډول ترسره شي.

خو دې ټکي ته په پام سره چې ولسمشر مشرف د نيمايي هيواد قاضيان گوښه کړي دي او دوى لا هم د هغه اخيستل شوي گامونه ردوي .

وکيلانو احتجاج روان ساتلى دى او غوښتنه کوي چې قضايي ځواک دې بيا خپل حالت ته ستون شي.

او د شپږو گوندونو مخالفه ټلواله چې پخوانى لومړى وزير نواز شريف هم په کې دى پريکړه کړې ده چې له ټاکنو سره پريکون وکړي.