تېر کال عراق ۶۸ کسان اعدام کړي وو.
دغه وزارت ويلي دغه کسانو چې لس تنه يې عراقيان او يو يې الجزايری و، د عراقيانو پر ضد يې د وژنو او چاودنو عملونه کړي وو.
د راپورونو له مخې، په عراق کې سږ کال تر دې مهاله څه د پاسه ۱۱۳ تنه اعدام شوي دي.
تېر کال عراق ۶۸ کسان اعدام کړي وو.
دغه عمل د ملګريو ملتونو، اروپايي ټولنې او بشري حقونو نړيوالو ټولنو له خوا دا غوښتنې پارولې چې بغداد دې د مرګ سزا پلي کول ودروي.
درې ورځې وړاندې هم عراق شپږ کسان اعدام کړي وو.
یوه عراقي چارواکي د فرانسې خبري اژانس ته ویلي چې مخکني شپږ واړه اعدام شوي هغه کسان دي، چې د تېر سپمبر پر ۲۷مه د بغداد د شمالي ښار تکریت له زندانه تښتېدلي وو.
د ملګرو ملتونو د بشري حقونو عالي سازمان د روان کال په لومړیو کې عراقي چارواکي د اعدام له پرېکړو د ګرځولو لوري ته رابللي وو.
د بښنې نړیوال سازمان هم له عراقي حکومته غوښتي وو چې د اعدام پرېکړې پایته ورسوي.
له ۲۰۰۳ راپدېخوا، پر عراق د امریکا له یرغل راهیسې د اعدام لړۍ چټکه شوې ده.
د بښنې نړیوال سازمان وړاندې پخپل یوه راپور کې ویلي وو چې په منځني ختيځ او ایران کې د اعدامونو په باب سخته اندېښنه لري.
دغه سازمان دا هم ویلي وو چې تېر کال د نړۍ په پرتله تر ټولو ډېر کسان په منځني ختيځ کې اعدام شوي دي.
