د پاکستان سترې محکمې د قامي اسمبلۍ د بېرته پر ځای کېدو پرېکړه وکړه
د عکس سرچینه، Supreme Court of Pakistan
د پاکستان سترې محکمې بالاخره د دغه هېواد قامي اسمبلۍ کې د لومړي وزیر عمران خان خلاف د 'نه باور رایې' پروسې لغوه کېدو او د ولسمشر عارف خان علوي لخوا د لومړي وزیر په غوښتنه د قامی اسمبلۍ د ړنګېدو په اړه خپله پریکړه اعلان کړه.
سترې محکمې دا دواړه ګامونه غیر قانوني اعلان او د قامي اسمبلۍ د بېرته برحالېدو پریکړه وکړه.
محکمې د قامي اسمبلۍ د ړنګېدو په تړاو د ولسمشر حکم منسوخ کړی او ویلي یې دي چې د قامي اسمبلۍ غونډه دې د اپریل پر نهمه بېرته رابلل شي.
دې پرېکړې ته د سترې محکمې لخوا ټاکل شوي پنځه کسیز پلاوي په یوه خوله رایه ورکړې ده.
تر دې وړاندې پاکستان سترې محکمې د دغه هېواد د ټاکنو کمېسیون رئیس او د هغه مرستیال ورغوښتي وو. دوی څو ساعته وړاندې ولسمشر عارف خان علوي ته یو لیک کې ویلي و تر اکتوبر وړاندې نوې ټاکنې نشي کولی.
د دغه کمېسیون لیک کې راغلي و چې دوی د ټاکنو د ترسره کېدو هوډ لري، خو نویو ټاکنو لپاره چمتووالی لږ ترلږه اووه میاشتې وخت ته اړتیا لري.
دوی ویلي یوازې د ټاکنیزو حوزو مالومېدل لږترلږه ۴ میاشتې وخت اخلي.
د پاکستان ولسمشر د لومړي وزیر په غوښتنه د قامي اسمبلۍ له ړنګولو وروسته د ټاکنو کمېسیون ته سپارښتنه کړې وه چې ۹۰ ورځو کې دننه دننه ټاکنو ته چمتووالی ونیسي.
د محکمې پرېکړې ته غبرګونونه
پاکستان کې د واکمن تحریک انصاف ګوند یوه مشر فیصل جاوید خان د محکمې له پرېکړې وروسته پر خپل ټویټر ولیکل چې عمران خان به مقابلې ته دوام ورکړي.
هغه ویلي عمران خان به ژر خلکو سره خپل لیدلوری شریک کړي.
د دغه ګوند یوه بل مشر فواد چودري چې د عمران خان کابینه کې د اطلاعاتو او نشراتو وزير وو، لیکلي چې د سترې محکمې پرېکړې پاکستان کې سیاسي کړکېچ لا پسې پراخ کړ.
دې لیکنه کې له social media راخیستل شوي مواد شته. له ښودلو وړاندې یې ستاسې اجازه پکار ده، ځکه ښایيکوکیز یا بله تکنالوژي پکې کارول شوې وي. کولی شئ له اجازې مخکې د social media site پالیسي ولولئ. د دې لپاره غوښتنه ومنئ او مخکې لاړ شئ
د پوسټ X پای, 1
ښاغلی چودري زیاته کړې "ټاکنو هېواد ته ثبات راوستی شو - له بده مرغه د خلکو اهمیت له پامه وغورځول شو - اوس به وګورو چې وړاندې څه کېږي."
خو د پاکستان د اپوزېسیون ګوندونه بیا د محکمې له پرېکړې راضي دي.
د دغه هېواد پخواني لومړي وزیر نواز شریف هم نن غوښتنه کړې وه چې قامي اسمبلۍ دې بېرته برحاله شي.
دې لیکنه کې له social media راخیستل شوي مواد شته. له ښودلو وړاندې یې ستاسې اجازه پکار ده، ځکه ښایيکوکیز یا بله تکنالوژي پکې کارول شوې وي. کولی شئ له اجازې مخکې د social media site پالیسي ولولئ. د دې لپاره غوښتنه ومنئ او مخکې لاړ شئ
د پوسټ X پای, 2
د هغه ورور شهباز شریف چې اوس قامي اسمبله کې د اپوزېسیون مشر و، د سترې محکمې پرېکړه تاریخي بللې.
نوموړي له جیونیوز تلویزیون سره مرکه کې ویلي: محکمې داسې پرېکړه وکړه چې راتلونکې کې هم د ورته ستونزې ځواب ویلی شي.
د پاکستان د پیپلز ګوند مشر بلاول بوټو هم په یوه لنډ ټویټ پیغام کې لیکلي چې "جمهوریت غوره غچ دی."
دې لیکنه کې له social media راخیستل شوي مواد شته. له ښودلو وړاندې یې ستاسې اجازه پکار ده، ځکه ښایيکوکیز یا بله تکنالوژي پکې کارول شوې وي. کولی شئ له اجازې مخکې د social media site پالیسي ولولئ. د دې لپاره غوښتنه ومنئ او مخکې لاړ شئ
د پوسټ X پای, 3
د لومړی وزیر عمران خان د تحریک انصاف ګوند یوه مشر شهباز ګل بیا لیکلي چې دغه هېواد د بریتانیا په ځای د امریکا د غلامۍ خوا روان د
هغه لیکلي چې پاکستان بېرته ۱۹۴۷ کال ته ګرځېدلی. ی.
