له اسلامه منکره سعودۍ بنکاک کې بنده پاتې ده
د عکس سرچینه، Twitter
په تایلنډ کې د سعودي کونسلګرۍ له اسلامه د منکر شوې سعودۍ نجلۍ پاسپورټ ګرځولی او دا د بنکاک پر هوايي ډګر د پاڼ او پړانګ ترمنځ پاتې ده.
رهف محمد متلق القنون غوښتل له خپلې کورنۍ څخه استرالیا ته وتښتي، خو بخت یې یاري ورسره ونه کړه.
ددې پاسپورټ په بنکاک کې د سعودي کونسلګرۍ یوه چارواکي ګرځولی دی.
دغې نجلۍ ویلي، اسلام یې پرېښی دی او باوري ده که خپل هېواد (سعودي عربستان) ته ستنه کړله شي، نو کورنۍ به یې ووژني.
دوه کاله وړاندې یوې بلې سعودۍ ښځې استرالیا کې د پنا اخیستو هڅه کړې وه، خو په فیلیپین کې بنده پاتې شوه او سعودي ته ستنه کړل شوه.
ویل کېږي هغه لاهم په بند کې ده.
دې لیکنه کې له social media راخیستل شوي مواد شته. له ښودلو وړاندې یې ستاسې اجازه پکار ده، ځکه ښایيکوکیز یا بله تکنالوژي پکې کارول شوې وي. کولی شئ له اجازې مخکې د social media site پالیسي ولولئ. د دې لپاره غوښتنه ومنئ او مخکې لاړ شئ
د پوسټ X پای, 1
د القنون کیسه پر خواله رسنیو، په تېره بیا ټویټر لاس په لاس کېږي.
د ۱۸ کلنې رهف په اړه پر ټویټر لیکل شوي، چې غوښتل یې استرالیا کې پنا واخلي. اوس باید هغې ته د کډوالو چارو ادارې ته د ورتګ اجازه ورکړله شي.
رهف پر ټویټر خپل نوم، عکس او د پاسپورټ یوه کاپي خپره کړې ده چې وايي غواړي وښيي چې دا ''ریښتینې او موجوده ده.''
دغې سعودۍ نجلۍ په یوه بل ټویټ کې لیکلي: ''د کویت هوايي کرښو مې د سعودي سفارت ته د پاسپورټ له تسلیمولو لاس واخیست، او شرط مې دا و چې اول مې کویت ته واستوي ځکه کورنۍ مې اوس همالته ده.''
رهف په یوه ټویټ کې لیکلي "وضعیت مې لا پسې خرابېږي، په زور یې نا لوستلې پاڼې راباندې لاسلیک کړې."
دې لیکنه کې له social media راخیستل شوي مواد شته. له ښودلو وړاندې یې ستاسې اجازه پکار ده، ځکه ښایيکوکیز یا بله تکنالوژي پکې کارول شوې وي. کولی شئ له اجازې مخکې د social media site پالیسي ولولئ. د دې لپاره غوښتنه ومنئ او مخکې لاړ شئ
د پوسټ X پای, 2
رهف په یوه ټویټ کې ویلي: "زما پلار او د سعودي سفارت ما تورنوي چې ګني دماغي ناروغي لرم او څه چې کوم په خود کې نه یم، ان تر دې چې زما د روغتیا دوسیه یې په جعلي ډول جوړه کړې ده، حال دا چې زه رکه روغه یم، نړۍ ته وایم چې زه په ریښتیني خطر کې یم."
