د منظور پښتین ضمانت ونه منل شو
د پښتونخوا مرکز پېښور کې یوې محکمې د پښتون ژغورنې غورځنګ د بنسټګر او مشر منظور پښتین ضمانت ونه مانه او اوس به د ډېره اسماعیل خان زندان ته وړل کېږي.
د پېښور پولیسو وړمه شپه منظور پښتین له شپږو ملګرو سره د ښار په تاکال سیمه کې ونیو.
له منظور پښتين سره نيول شوي شپږ تنه محکمې ته له وړاندې کېدو وروسته پرېښوول شوي او يوازې د ښاغلي پښتين د ١٤ ورځني توقيف حکم شوى.
د پېښور پولیس وايي، د نوموړي پر ضد په ډېره اسماعیل خان کې د پولیسو رپوټ ثبت شوی دی او هغوی ته به سپارل کېږي.
د ډېره اسماعیل خان پولیسو رپوټ کې ویل شوي، د پښتون ژغورنې غورځنګ بنسټګر منظور پښتین په دغه ښار کې د جنورۍ پر اتلسمه نېټه یوې غونډې ته وینا کې د پاکستان اساسي قانون رد کړی و.
خو محسن داوړ د پولیسو رپوټ یوه ډرامه بولي او زیاتوي، " دا ډرامه ده، ځکه څو احتجاجونه را روان دي، د هغه د مخنیوي لپاره نیول شوی دی".
دې لیکنه کې له social media راخیستل شوي مواد شته. له ښودلو وړاندې یې ستاسې اجازه پکار ده، ځکه ښایيکوکیز یا بله تکنالوژي پکې کارول شوې وي. کولی شئ له اجازې مخکې د social media site پالیسي ولولئ. د دې لپاره غوښتنه ومنئ او مخکې لاړ شئ
د پوسټ X پای, 1
"دروند احتجاج"
د پښتون ژغورنې غورځنګ یو مشر او د پاکستان قامي اسمبلۍ کې د وزیرستان استازی محسن دوړ پرون بي بي سی ته وویل، نن د سې شنبې په ورځ به د غورځنګ غړي د پاکستان په ټولو ښارونو کې "دروند" احتجاج کوي.
ښاغلي دوړ بي بي سي سره په يوه ځانګړې مرکه کې وويل دا لاريونونه به نه يوازې د پاکستان په ټولو ښارونو بلکې په نورو هېوادونو کې هم وي.
منځپانګه نه شته
په Facebook کې نور وګورئ بي بي سي. بي بي سي د نورو ویبپاڼو د محتوا مسوله نه ده.د پوسټ Facebook پای
نوموړى وايي "د نړۍ په هر هغه ښار کې چې د پښتون ژغورنې غورځنګ غړي موجود وي احتجاج به وشي، ټول پاکستان او ټولې نړۍ ته به مالومه شي چې حکومت له هغو سياسي فعالينو سره څه راز چلند کوي چې د بنسټيزو او قانوني انساني حقونو خبره کوي."
افغانستان کې لاریونونه
د منظور پښتین د خوشي کېدو په ملاتړ د افغانستان په مختلفو ښارونو کې هم لاریونونه پلان شوي دي.
د کونړ مرکز اسعداباد کې هم سلګونه ځوانانو لاریون کړی او د پاکستان له حکومت یې وغوښتل چې منظور پښتین سملاسي خوشی کړي.
د دې لاریون یوه ګډونوال او منتظم ادریس غروال بي بي سي ته وویل، چې لاریون ولس او مدني ټولنو جوړ کړی و.
پلازمېنه کابل کې هم د پاکستان د سفارت مخته لاریون شوی او د نوموړي د خوشي کېدو غوښتنه پکې شوې ده.
دې لیکنه کې له social media راخیستل شوي مواد شته. له ښودلو وړاندې یې ستاسې اجازه پکار ده، ځکه ښایيکوکیز یا بله تکنالوژي پکې کارول شوې وي. کولی شئ له اجازې مخکې د social media site پالیسي ولولئ. د دې لپاره غوښتنه ومنئ او مخکې لاړ شئ
د پوسټ X پای, 2
غبرګونونه
د منظور پښتين نيونې د انساني حقونو د فعالانو، نړیوالو ادارو او چارواکو غبرگون پارولی دی.
د بښنې نړیوالې ادارې د اسیا څانګې د پښتون ژغورنې غورځنګ د مشر د منظور پښتین د سملاسي خوشي کېدو غوښتنه کړې ده.
افغان ولسمشر محمد اشرف غني د پښتون ژغورنې غورځنګ بنسټګر منظور پښتین د نیونې په تړاو په غبرګون کې ویلي چې د ښاغلي پښتین او د هغه د ملګرو نیونې خواشينى کړى.
خو د پاکستان د بهرنيو چارو وزير شاه محمود قريشي د ولسمشر غني ټوېټري پيغامونه د پاکستان په کورنيو چارو کې لاسوهنه بللې.
ښاغلي قريشي په خپره کړې اعلاميه کې ويلي د دوى په اند دغه راز ويناوې د دوو هېوادونو د خپلمنځيو اړيکو له ښه کولو سره مرسته نه کوي.
د عکس سرچینه، ادریس غروال
