هدايت الله هميم
له کابله |  |
| | | څلور زره چينايي ماشومان د آويون يعنې 'المپيک لوبې' نومونه لري . |
وروسته له هغه چې چين په ٢٠٠٨ کې د المپيک لوبو کوربه هېواد وټاکل شو، په دغه هېواد کې پر شاوخوا څلو ر زره نويو چينايي ماشومانو د (آويون) يعنې د'' المپيک لوبې'' نومونه کېښودل شول . ټاکل شوې ده چې د ٢٠٠٨ د المپيک لوبې به په روانه اگست مياشت کې د چين په پکين کې ترسره شي . په چين کې د مالياتو د محصول او نوم ليکنې اداره وايي په دغه اداره کې په سلو کې ٩٢ کسان د آويون نومونه لري، چې ډېرى يې نارينه دي . چينايان معمولآ پر خپلو نويو زيږېدليو بچيانو د لويو پېښو نومونه ږدي، د بېلگې په ډول ''چين وژغورئ'' او '' د ملت ژوند'' او ان '' ولس او فضا ته سفر'' نومونه هم پکې دود شوي دي . چينايانو دغه کار ته په ١٩٩٢ کال کې هغه وخت مخه کړه، کله چې دغه هېواد په ٢٠٠٢ کال کې د المپيک لوبو د تنظيمولو غوښتنه وکړه، چې هغه مهال هم په چين کې شاوخوا ٦٨٠ ماشومان په دې نامۀ نومول شوي ول . او په ٢٠٠٢ کال کې کله چې چين د ٢٠٠٨ کال د المپيک لوبو کوربه وټاکل شو، هغه مهال ٥٥٣ چينايانو خپلو ماشومانو ته د 'المپيک لوبو' نومونه غوره کړي ول . د بي بي سي چينايي برخې ويلي کله چې د چين په سي چوان کې زلزل وشوه، ډېرو چينايانو خپل زامن په ' د سي چوان هيله' ونومول، ځکه چې په دغه زلزله کې ډېرى ماشومان ووژل شول . | 
غالب: د نشه يي توکو قاچاق کې چارواکي لاس لري
