ميرويس افغان له کابله

	د کابل کندهار لويه لاره چې تل د وسله والو بريدونو او نا امنيو د پېښو شاهده وي وخت ناوخته ترافيکي پېښې هم پرې کېږي .

هلته دسپرليو بس موټر له يوه بار وړونکي گاډي سره جنگېدلى او د پېښې قربانيان د لويې لارې مساپر دي .

دکابل کندهارلويه لاره يوازې د امنيتي پلوه نه، بلکې د ترافيکي پېښو له کبله هم خونړۍ بلله کېږي .

دغه پېښه د زابل مرکز کلات ښار ته نژدې دسپينې غبرگې په سيمه کې وشوه .

عيني شاهدانو بي بي سي ته وويل چې په پېښه کې اووه کسان ځاى پرځاى وژل شوي او تر٢٠ ډېر ټپيان دي .

د زابل د ملکي روغتون ډاکتران وايي چې دنژدو لسو ټپيانو روغتيايي حالت د اندېښنې وړ دى .

د ډاکترانو په وينا چې تر اوسه ٢٢ ټپي کسان وروړل شوي دي .

د زابل امنيتي چارواکو وويل چې د مسافر وړونکي ٣٠٣ ډوله سروېس موټر چلوونکى وژل شوى او چارواکي په خپلو لومړنيو پلټنو کې وژل شوى موټر چلوونکى ملامت بولي .

د کابل کندهار لويه لاره چې تل د وسله والو بريدونو او نا امنيو د پېښو شاهده وي وخت ناوخته ترافيکي پېښې هم پرې کېږي .

ډېرى مساپر پر موټر چلوونکو تور لگوي چې موټري په تېزۍ چلوي ځکه چې د ترافيکي پېښو سبب گرځي .