ايمل پسرلى له لندنه

	ولسمشر کرزي ويل د نړيوالو د مرستو هرکلى کوي

د لندن او کابل اړيکي طبعآ پکې مطرح وې ، د افغانستان په باب په دې وروستيو کې يو شمير رپوټونو هم د افغان مشرتابۀ سپيناوى غوښت، د ژورنناليزم د يوۀ زده کوونکي د اعدام قضيه نړيوالو رسنيو او د ښاغلي کرزي ميلمنو ته د پام وړ وه .

افغان مشر د برتانيا په باب خپلې پخوانۍ خبرې د رسنيو تيروتنه وبلله او ويې ويل چې د دۀ له خولې خبره نا سمه اخيستل شوې ده .

دۀ وويل پوښتنه ورڅخه شوې وه چې د افغانستان ځينې برخې يې له لاسه وتلي که نه ځواب يې هو و خو دا خبره رسنيو د ولسمشر کرزي په وينا بل ډول تعبير کړې وه .

حامد کرزي د برتانيا له مرستو منندويي وښووله خو دا يې هم وويل چې په تيرو کلونو کې له ټولو غاړو ځينې تيروتنې شوي چې اوس يې د حل کولو هڅه روانه ده .

په افغانستان کې د پوځي او مرستندويو چارو د همغږۍ په نيت د استازۍ د څوکۍ لپاره د برتانوي سياستوال پډي اشډاون د مخالفت په برخه کې ولسمشر کرزي ويل چې دى شخصآ پرې خواشينى دى خو دا يې ونه ويل چې ولې ورسره کابل مخالفت وښود .

ميرمن رايس او ښاغلي ميليبنډ دواړو په خپل وار د دغه ډول يوې څوکۍ اهميت په گوته کړ او ويې ويل چې دغه ډول کس به له افغانستان سره مرسته وکړي .

ولسمشر کرزي ډاډ ورکړ چې که د ملگرو ملتونو سرمنشي څوک دغې څوکۍ ته ونوموي او نړيوال يې ملاتړ وکړي نو کابل به يې هرکلى کوي .

د بلخ پوهنتون د ژورناليزم د پوهنځي د زدکوونکي پرويز کامبخش پر قضيې د يوۀ لويديځوال د پوښتنې په ځواب کې ولسمشر کرزي وويل په پاى کې به د دۀ په وينا سمه پريکړه کيږي .

دۀ د سمې سپيناوى ونه کړ خو ويې ويل چې پر دغې مسالې دواړو ميلمنو ورسره خبرې کړي دي .

همدې ته په پام سره ښايي مطلب دا وي چې د اعدام چاره ترسره نه شي . له دې نظر سره افغان مشر جوړ نه و چې افغانستان له نړيوالو هير شوى که يه خو د لا نور پام هرکلى يې هم کاوۀ .

دغې پوښتنې ته د امريکا د بهرنيو چارو د وزيرې ځواب دا و چې د دې په وينا د افغانستان دښمنانو د دغه هيواد دښمنۍ ته کلکه ملا تړلې او له لويه سره د ترهگرۍ ماتول اسانه نه دي .