دا په تيرو څوو اوونيو کې څويمه پېښه ده چې ايران جوړ ماينونه په افغانستان کې نيول کيږي

افغان چارواکو د بلخ په ولايت کې بي بي سي ته وويل دغه ماينونه ، چې د ورانکاريو لپاره تازه د بلخ ولايت دحيرتانوبندري ښارګوټي ته راوړل شوي وو، دوى وموندل .

چارواکو وويل پر دغو ماينونو د ١٩٩٧ کال او ايران جوړ ټاپه لگيدلې ده . چارواکو په دې برخه کې څوک لا ظاهرآ نيولي نه دي .

دوه اوونۍ وړاندې د هرات ولايت امنيتي مسولينو هم په يوې غرنۍ سيمه کې له يوه پټنځاى څخه دايران ساخت ١٦ کړۍ ماينونه موندلي و .

له فارياب او لغمان ولايتونو څخه هم په دې وروستيو کې د ځينو ايران جوړو ماينونو د نيولو خبرونه ورکړل شوي و .