دا په روان ميلادي کال کې دويم ځل دى چې په يوه پېښه کې د ايساف گڼ شمير سرتيري وژل کيږي

له کابله په خپره شوې خبر پاڼه کې د وژل شويو سرتيرو نوره پېژندگلوي نه ده شوې چې د کوم هيواد اوسيدونکي دي .

دغه راز دا هم نه دي ويل شوي چې په کوم ولايت کې دغه پېښه شوې ده خو ويل شوي دي چې گاډى يې پر يوۀ ماين ختلى دى .

خبر پاڼه د ايساف د يوې وياندې مريا کارل له خولې يوازې دومره وايي چې دوى د دغو سرتيرو پر وژنه خواشيني دي .

د افغانستان په سويلي ولايتونو ، کندهار ، هلمند او ارزگان کې د کاناډا ، برتانيا او هالنډ سرتيري ځاى پر ځاى شوي دي .

په روان ميلادي کال کې دا دويم ځل دى چې په گڼ شمير کې د ناټو سرتيري په يوه پېښه کې وژل کيږي .

څو اوونۍ وړاندې د کاناډا شپږ سرتيري په يوه پېښه کې د کندهار په ولايت کې وژل شوي و .