عبدالمالک عاصم د لوگر له ولايت څخه

	په افغانستان کې د خلکو دموټر اخيستو وړتيا يا توان د لوگر ولايت دموټر پلورلو په لوى بازار کې معلوميږي.

په داسې حال کې چې دطالبانو په وخت کې دغه شمېره څه باندې ٥ سوه زره وه چې دامهال يوازې پلازمېنه د همدومره موټرو خاونده ده .

حکومتي چارواکي وايي د موټرو زياتېدل په تېرو څو کلونو کې د خلکود ژوند دښه کېدو نښه ده .

دموټرو زياتېدو که له يوې خوا په ورځنيو چارو کې اسانتيا را وستې خو بل خوا دکافي سړکونو د نشتوالي له کبله د لارو د بندېدو او د زړو موټرو دچلند له کبله دچاپيريال د ککړ والي اندېښنې را پيداشويدي .

افغان چاراکي وايي هره ورځ تر ٢ سوه پورې موټر دافغانستان بازارونو ته دننه کيږي .
چارواکي دغه ټول د خلکو په ژوند کې دښه بدلون په توگه يادوي .

په افغانستان کې د خلکو دموټر اخيستو وړتيا يا توان د لوگر ولايت دموټر پلورلو په لوى بازار کې معلوميږي.

هره جمعه دافغانستان له سويل ، شمال او ختيځ څخه په زرگونو خلک دخپلو موټرو د پلورلو او نور بيا داخيستلو لپاره دغلته راځي .
له کابله لوگر ته غزېدلى لوى سړک دجمعې په ورځ په وړو کرولا او سراچه موټرو ډک وي چې دا ټول د پل علم بازار ته روا ن وي .
دغه بازار دجمعه بازار په نامه مشهور دى چې هره جمعه په زرگونو لوى او واړه موټر پکې د پلورلو لپاره دريږي .
ددغه بازار يو موټر پلورونکي سردارولي چې هره جمعه تر ٢ سوو پورې موټر ددوى په بازار کې په فزيکي پيسو پلورل کيږي او همدومره نور بدليږي چې دوى ورته مارچه وايي . سردار ولي زياتوي :

(( د لوگر دموټرو د پلورلو په بازار کې هره جمعه تر ٢ سوه پورې موټر پلورل کيږي او همدومره نور بد ليږي را بدليږي .

نوم مې گل محمد دى .دتره ځوى چې مې موټرواخيست نو ما هم له هغه سره دسيالۍ په موخه يوه ټو ټه ځمکه خرڅه کړه او دغه کرولا موټر مې پرې واخيست د لوگر يو اوسيدونکى

په دې کې ډېر کرولا او سراچه موټر دي چې له اقتصادي کبله يې بيه ارزانه او ډېر خلک يې د کو رونو لپاره اخلي او ځيني نور يې بيا په ښار او بازار کې د ټکسي په ډول د گرځولو لپاره اخلي .

د لوگر د موټرونو د پلور لو د جمعه بازار مشرمحمد داود وايي چې اوس ددوى بازار ډېر مشهور شويدى . دى زياتوي :

(( دغه بازار څه باندې ٧ کاله کيږي چې جوړ شوى اوس له کندهار ، هلمند ، غزني ، کندز ، مزار ، ننگرهار او کابل له سيمو هره جمعه په زرگونو موټر د پلورلو او بدلولو لپاره راوړل کيږي .

پخوا به ٥ ميليون معامله کېدله خو اوس هره جمعه تر شل ميليونو افغانيو پورې د خرڅولو معاملې پکې کيږي ،اوس بازار ډېر گرم شوى دى))

دافغانستان د ټرافيکود ادارې مشرنورالدين خان وايي چې په افغانانو کې د موټرو داخيستلو توان ډېر زيات شويدى او هره ورځ دافغانستان بازارونو ته په لسگونونوي موټر ور دننه کيږي . د ټرافيکو مشر وايي .

((هره ورځ څه باندې ٢ سوه موټر په ولايتونو او پلازمېنه کې په احصايې کې شامليږي څه باندې ٥ سوه موتر په ورځ کې افغانستان ته را دننه کيږي . دا ټول نوي موټر دي .

دا مهال يوازې په کابل کې څه باندې ٥ سوه زره موټر تگ راتگ کوي په داسې حال کې چې د طالبانو پر مهال په پلازمېنه کې شاوخوا سل زره موټرگرځېدل .

دا په خپله ښيي چې خلکو پيسې پيداکړي او دخپل ژوند د اسانتيا لپاره موټراخلي .))

د ټرافيکو مشر وايي چې په ټول افغانستان کې څه باندې يو نيم ميليون موټر فعاليت کوي او هر کال شا وخوا سل زره نوي موټر په دغه شمېره ور زياتيږي .

دم گړۍ ېي د سړکونو د تنگوالي له کبله ډېرې ټرافيکي ستونزې را پورته کړيدي .

پلازمېنه کابل يو له هغو سيمو څخه ده چې موټر چلونکي پکې د گڼې گوڼې له کبله ډېر سر ټکوي .

په تېرو څو کلونو کې د بيلابيلو لاملونو له کبله خلکو موټر اخيستي .

هره ورځ څه باندې ٢ سوه موټر په ولايتونو او پلازمېنه کې په احصايې کې شامليږي څه باندې ٥ سوه موتر په ورځ کې افغانستان ته را دننه کيږي . دا ټول نوي موټر دي . د افغانستان د ټرافيکو مشر

(( د طالبانو په وخت کې مو يو موټر درلود ، خو اوس تر ٥ زيات موټرپه کور کې لرو .
په کور کې مو زيات غړي کار ته د تلو لپاره موټر لري . ))

خوداسې کسان هم شته چې د خپلو خپلوانو سره د سيالۍ د برابرولو لپاره يې ان پوله پټى پلورلى او يوه موټر يې اخيستى . د لوگر يو اوسيدونکى يې بيلگه وړاندې کوي :

(( نوم مې گل محمد د لوگر اوسېدونکى . دتره ځوى چې مې موټرواخيست نو ما هم له هغه سره دسيالۍ په موخه يوه ټو ټه ځمکه خرڅه کړه او دغه کرولا موټر مې پرې واخيست .))

په تېرو ٥ کلونو کې په افغانستان کې د موټرو د رې چنده کېدل گڼ لاملونه لري .
ويل کيږي چې له يوه پلوه د خلکو اقتصادي ژوند ښه شوى ، له بل پلوه سړکونه رغېدلي او کار او بار زيات شوى او خلکو خپلې پانگې په کار اچولي .

ددغو شويو کارونو له کبله له يوې سېمې بلې ته تگ راتگ ساده شوى او د ښارونو په گډون ولايتونو ته د شپې تر ناوخته پورې هر ډول موټر ځي راځي .

خود امنيت يو څه خرابوالى ،د سړکونو تنگوالى اود يو شمېر ټرافيکو له خوا د بډو اخيستل موټر چلونکو ته يو لړ ستونزې را پورته کړيدي ، چې دافغانستان د ټرافيکو مشر دا خبره نه مني .

چارواکي هڅه کوي چې د نويو او پخوانيو سړکونو دجوړولو له لارې د خلکو ټرانسپورټي ستونزې کمې او اسانتياوې زياتې کړي خو دا کار به ډير وخت ونيسي .