 | | | | | | | ||||||||||||||||||||||||||||||||||||||||||||||||||||||||||||||||||||||||||
| | |||||||||||||||||||||||||||||||||||||||||||||||||||||||||||||||||||||||||||||||
|
عراق کې د گاډو پر تگ و راتگ بنديز ولگيدۀ | |||||||||||||||||||||||||||||||||||||||||||||||||||||||||||||||||||||||||||||||
د عراق حکومت تر هغه وروسته په بغداد او ورڅېرمه ولايت کې د موټرو پر تگ راتگ بنديز ولگاوه چې د ابومصعب الزرقاوي پلويانو د هغه د مړينې په غچ کې د بريدونو شنډې هڅې وکړې. د عراق لومړي وزير نوري مالکي په بغداد کې له څاښت نه تر مازيگر قضا پورې د هرډول موټرو تگ راتگ منعه کړى دى. دا بنديز به د راتلونکو دريو ورځو لپاره د دياله په ولايت کې چې همدلته نژدې د شمال وخواته پروت دى، پرځاى وي. د همدې ولايت په يوه کلي کې وو چې ابو مصعب الزرقاوي د چارشنبې پرمازيگر امريکايي ځواکونو په نښه کړ او ويې واژه. د هغه تر مړينې وروسته په عراقيانو کې د ښادۍ يو احساس را منځ ته شو، خو دغه احساس په احتياط او د غچ اخيستونکو بريدونو په ويره کې ډوب شوى دى. همدا علت و چې حکومت د هغه مهال په اوږدو کې بنديز ولگاوه چې زرگونه تنه پکې د جمعې د لمانځه لپاره جوماتونو ته ځي. د عبادت دا غونډې تل د بم چوونکو نښې گرځېدلي دي. باور دى چې دا ډول ډېر بريدونه د زرقاوي د پلويانو له خوا ترسره شوي او پر انټرنېټ خپره شوې يوه وينا کې هغوى ژمنه کړې چې جگړې ته به دوام ورکړي. | ||||||||||||||||||||||||||||||||||||||||||||||||||||||||||||||||||||||||||||||||
| ||||||||||||||||||||||||||||||||||||||||||||||||||||||||||||||||||||||||||||||||
| ||||||||||||||||||||||||||||||||||||||||||||||||||||||||||||||||||||||||||||||||
غالب: د نشه يي توکو قاچاق کې چارواکي لاس لري
