بي بي سي پښتو ويبپاڼه کابل

	له دې وړاندې هم د ښاغلي دت محکمه رابلل شوې وه او په ترڅ کې يې د وسلې پر ليېږدولو تورن شوى وو

وتلي ستوري سنجې دت ته وسله ورکړې وه د ١٠ کلن سخت بند د سزا واوروله او ٢٠٠ زره هندي کلدارې يې جريمه هم کړ .

د ټاډا په نامه يوې ځانگړې محکمې د فلم جوړنکي سمير هنگورا سر بيره څلور تنه نور هم پړه وبلل .

محکمې پر ښاغلي هنگورا تور ولگاوو چې د مافيايي ډلو په خوله يي د ستوري سنجې دت کور ته اې کې ٥٦ ډوله ماشينگڼې او لاسي بمونه ليږدولي وو .

د محکمې په وينا سنجې دت دوه ماشينگڼې او لاسي بمونه بيرته ورستانه کړي و .

د سنجې دت په اړه تر اوسه محکمې خپله پريکړه نه ده په ډاگه کړې .خو له دې وړاندې د ښاغلي دت محکمه رابلل شوې ده .

محکمې سنجې دت د ټاډا د قانون له مخې پړ نه دى پيژندلى بلکې د وسلو د گرځولو تور ورباندې دى چې سزا يي پنځه کاله بند دى .

د هند دې محکمې د ١٩٩٣ کال د مى د مياشتې له ١٨ نيټې څخه پلټنې پيل کړي او تر اوسه پورې يي ددغې پيښې په اړه ٦٣ تنه پړه پيژندلي دي .