 | | | | | | | ||||||||||||||||||||||||||||||||||||||||||||||||||||||||||||||||||||||||||
| | |||||||||||||||||||||||||||||||||||||||||||||||||||||||||||||||||||||||||||||||
|
د باليووډ تر ټولو نامتو واده: د اشوريا راى واده په انځورونو کې | |||||||||||||||||||||||||||||||||||||||||||||||||||||||||||||||||||||||||||||||
د باليووډ سېنما يوه خورا ځلانده ښځينه څېره او د نړۍ د ښکلا د سيالۍ پخوانۍ گټونکې، ايشوريا راى، د هندي سېنما د وتلي ستوري اميتا بچن له زوى سره واده وکړ. د ايشوريا راى او ابيشک بچن واده، په څو لسيزو کې د باليووډ کې تر ټولو مهم گڼل کېږي چې د هندي سېنما خورا وتلي ستوري سره جوړه کېږي. د نورو فلمي ستورو د ودونو خلاف، د ايشوريا د واده مراسم له مينه والو ډېر گوښه ساتل شوي. د ممبۍ په ښار کې دې واده ته يوازې سل مېلمانه وربلل شوي، خو بهر په زرگونو مينه وال په کوڅو کې سره غونډ شوي چې که وکولاى شي د بېسارې جوړې د واده دستورې وکتلاى شي.
ايشوريا راى په ١٩٩٤ کې د ټولې نړۍ د ښکلاد ملکې په توگه ټاکل شوې وه او په ټوله نړۍ کې مينه وال لري
د واده درې ورځنيو مراسمو ته لږ، خو ډېر ځانگړې مېلمانه راغوښتل شوي، چې د باليووډ نور وتلي ستوري هم پکې دي، لکه پريتي زينتا
د نورو ستورو د ودونو خلاف، د ايشوريا د واده دقيق جزئيات لاهم نه دي څرگند. خو ويل کېږي چې دوديزې مېلې او نڅاوې به د مراسمو برخه وي
واده ته د باليووډ بل ستورى سنجى دټ هم ورغلى
د ايشوريا خسر، اميتاب بچن، ځان خورا خوشاله اېسوي چې د ښکلا پخوانۍ ملکه يې د زوى په برخه شوه. اميتاب خپله هم د هندي سېنما په تر ټولو منل شويو ستورو کې راځي
د واده جوړې له مخکې د واده د مراسمو لپاره داسې وخت ټاکلى چې د بخت ليدونکو له لورې ښه گڼل شوى او موسم يې هم خوندور وي
ځينې مينه والو د دوو ورځو لپاره سفر کړى چې ځان ممبۍ ته ورسوي او د ايشوريا واده وگوري   | ورسره تړلي نور خبرونه  هندي فلمي جوړې په رښتيني ژوند کې وادۀ وکړ20 اپريل, 2007 | خبرونه آيشواريا راى ته له ناقانونه لارې پيسې استول شوي16 نومبر, 2006 | خبرونه | |||||||||||||||||||||||||||||||||||||||||||||||||||||||||||||||||||||||||||||||
| ||||||||||||||||||||||||||||||||||||||||||||||||||||||||||||||||||||||||||||||||
| ||||||||||||||||||||||||||||||||||||||||||||||||||||||||||||||||||||||||||||||||
