حکومتي وياند وويل د ا کسان نن سهار په سيمه ايزوخت درې بجې اعدام شول

دا کسان صدام حسين سره يوځاى په ١٩٨٢ کال کې په دجيل کې د ١٤٠ شيعه گانو د وژنې له امله محکوم شوي وو. حکومتي وياند وويل د ا کسان نن سهار په سيمه ايزوخت درې بجې اعدام شول.

د اعدام پر مهال يو قاضي، څارنوال او يو ډاکټر موجود وو ، له اعدام وړاندې هلته ټولو موجودو کسانو يو سند لاسليک کړ چې د اعدام د سزا قانون سره سم چلن به کوي. وياند وويل قانون څخه د هيڅ ډول سرغړونې راپور نه دى ورکړ شوى.

يواځينۍ پېښه چې د اعدام پر مهال رامنځ ته شوه هغه دا وه چې د برزان التکريتي سر له تنې بيل شوى دولتي وياند

دا ځل د اعدام پر مهال هيڅ شعارونه نه دي ورکړ شوي او نه هم داسې خبرې شوي چې د محکوم شوو سپکاوى په کې شوى وي ده وويل يواځينۍ پېښه چې رامنځ ته شوې هغه دا وه چې د اعدام پر مهال د برزان التکريتي سر له بدن څخه بيل شوى.

ده وويل ددې کسانو کورنېو ته به د مړو د ترلاسه کولو لپاره خبر ورکول کيږي. د صدام حسين د اعدام په پرتله د ددې کسانو د اعدامولو خبر په بل ډول راښکاره شوه. د څو ساعتو تېرېدو وروسته چارواکو ددې دوو د اعدام خبر تاييد کړ.

يوۀ حکومتي وياند ويلي دي حکومت غوښتل هغه ډول غبرگون څخه مخنيوى وشي چې د صدام حسين د اعدام وروسته ښودل شوى . دنوموړي په اعدام له هغې وروسته سخت انتقادونه شوي وو چې يو موبائيل ټيليفون سره اخيستل شوي فلم کې د دار په تختې صدام حسين ته سپورې ستغې ويل شوې وې.