ميرويس افغان له کندهاره

	د متحدو ايالاتو د دفاع وزير د زابل سپين روبو ته وويل چې په دغه ولايت کې به د بيا رغاونې چارې گړندۍ کوي

د ده په خبره بيارغنيزي چاري به ډېر ژر هغو سيمو ته وغځول شي چې خلک يې دكارونو غوښتنه لري او په امنيت پوښلې دي.

نوموړي دا خبري د زابل ولايت هغو سپين ږيرو ته وكړې چې د ولايتي چارواكو سره يوځاى د يوې غونډي په ډول راغونډ شوي وو.

ښاغلي رمسفلډ په زا بل ولايت كې له شينكۍ او دايي چوپان ولسواليو څخه هم ليدنه وكړه.

دا هغه وسوالۍ دي چې امريكايي سرتيري وركې مېشت دي او وخت ناوخته ترې دجنګ جګړو راپورونه ترلاسه كېږ ي .

زابل يو د افغانستان له هغوولايتونو څخه دى چې تر ټولو ډېر امريكايي سرتيري وركي مېشت دي .

د ډېريو په اند زابل ته د متحدو ايالاتو د دفاع وزير ډانلډ رمسفيلډ سفر به ښايي پر بيا رغنيزو چارو ښې اغيزي ولري.

زابل د افغانستان يو له هغو ولايتونو څخه دى چې اوسيدونکي يې خورا بې وزلي دي او د بيا رغاونې چارې هم پکې د نور هيواد په پرتله پښه نيولې دي .