د ايکوادور مينه وال په لومړي ځل د نړيوالو اتلوليو دويم پړاو ته په رسيدلو خورا خوښ دي

ايکوادور کاستوريکا ته درې صفر ماتې ورکړه او په لومړي ځل يې دا وياړ ترلاسه کړ چې د نړيوالو اتلوليو دويم پړاو ته ورسيږي .

د ايکوادور له بري سره جرمني هم دويم پړاو ته ورسيد . اوس به د جرمني او ايکوادور ترمنځ لوبې ته پام اوړي چې د جون په ٢٠ نېټه کيدونکې ده .

هغه لوبه به دا معلومه کړي چې څوک له لومړني گروپ څخه لومړى مقام او څوک يې دويم ترلاسه کوي .

ايکوادور په خپلې لومړنۍ لوبې کې پولنډ ته دوه صفر ماتې ورکړه وه . اوس ايکوادور شپږ پواينټونه او پنځه گولونه لري .

جرمني کاستوريکا ته څلور دوه او پولنډ ته يو صفر ماتې ورکړه او په دې ډول دوى هم شپږ پواينټونه لري خو د گولونو په کرښه کې يې پنځه په گټه او دوه په تاوان دي .

که چيرې ايکوادور له جرمني سره خپله لوبه مساوي کړي نو دوى به د دغه گروپ بريالي وبلل شي .