ولسي جرگي د ولسمشر کرزي له خوا د وزيرانو په وړاندي شوي ليسټ کې ٢٠ تنه ومنل او پنځه يې ردکړل.

پر همدې مهال د برتانيې د بهرنيو چارو مرستيال وزير، ډاکتر کيم هو ويلز، د ولسي جرگې لخوا د افغانستان د نوې کابينې د ټاکل کېدو هرکلى او ستاينه کړې ده .

ښاغلي هوويلز وويل ، د پارلمان له خوا د دوو اونيو په اوږدو کې د وزيرانو پر وړاندې شوي ليسټ د بحث بهير پر افغان دولت د ولس باور ښکار ه کوي .

ولسي جرگي د ولسمشر کرزي له خوا د وزيرانو په وړاندي شوي ليسټ کې ٢٠ تنه ومنل او پنځه يې ردکړل.

د ښاغلي هوويلز په وينا دا په افغانستان کې د ولسواکۍ د پلي کېدو په بهير کې يوه بله مهمه لاسته راوړنه ده .

په افغانستان کې د امريکا سفارت هم په دې اړه ورته غبرگون ښودلى او ويلي يې دي چې د نړيوالې ټولنې سره به په گډه په افغانستان کې د ډيموکراسۍ او سولې د پياوړتيا او اقتصادي ودې لپاره کار کوي.

بل لور د امريکا يوې ورځپاڼې، هيرالد ترېبيون، هم نوې افغان کابينه د ولسمشر کرزي لپاره يوه بله بريا گڼلې ، خو داهم کاږي چې د هغه يو نژدې ملگرى، امين فر هنگ، چې د اقتصاد د وزارت لپاره نومول شوى و ، رد شو .

ورځپاڼه د ښاغلي فر هنگ او نورو څلورو نومول شويو وزيرانو نه منل ، ددې نښه بولي چې په اسلامي دود پالي لا هم په پارلمان کې ځواک لري .