ولسي جرگې د ولسمشر کرزي له خوا پهوړ اندې شويو وزيرانو کې ډيره برخه ومنله

داسې باورونه او اټکلونه وو چې په ولسي جرگه کې به ځينې ډلې له ولسمشر کرزي سره د مخالفت په هيله د دوى وړانديز شوي کسان رد کړي .

خو په پاى کې يوازې پنځه کسان رد شول او په مهمو څوکيو باندې د ولسمشر نومول شوي وزيران ومنل شول .

په هغو کسانو کې چې پاتې راغلل ښاغليو رهين او فرهنگ ښايي تر ټولو مشهور وو . دوى دواړه د طالبانو د رژيم له نسکوريدو راهيسته د ولسمشر کرزي په کابينو کې په پرله پسې توگه په خپلو څوکيو پاتې وو .

پاتې درې رد شوي کسان نوي وو . د سوداگرۍ او صنايعو لپاره نومول شوى وزير ډاکټر محمد حيدر رضا ، د ټرانسپورټ او هوايي چلند وزير گل حسين احمدي او د ښځو د چارو وزيره ډاکټره ثريا رحيم صبحرنگ ونه توانيدل چې له ولسي استازيو رايه واخلي .

د مخابراتو وزير اميرزى سنگين ، د کډوالو وزير استاد اکبر اکبر او د ښار جوړولو وزير انجينير يوسف پښتون ونه کولاى شول چې له اصولو سره سم په سلو کې تر ٥٠ ډيرې رايې وگټي .

د دې له امله لانجه پيدا شوه خو په پاى کې پريکړه دا وشوه چې ممتنع رايې له حسابه وباسي او په کاريدليو رايو کې سلنه وباسي .

تر ټولو ډيرې رايې د روغتيا وزير ډاکټر سيد محمد امين فاطمي وگټلې . ښاغلي فاطمي ٢١٧ رايې ترلاسه کړې . د کليو د پراختيا لپاره نومول شوي وزير احسان ضيا چې پخوا د ښاغلي اتمر مرستيال و د ٢٠٦ رايو په ترلاسه کولو دويم تر ټولو ډير بريالى کس و .

تر ټولو لږې رايې ښاغلي امين فرهنگ ترلاسه کړې . ښاغلي فرهنگ يوازې ٦٠ رايې وموندلې او ١٥٤ کسانو د دوى خلاف رايه ورکړه .

د ټولو رايو جزييات په دې ډول دي :

نوم ، وزارت ، گټلې رايې ، مخالفې رايې

رنگين دادفر سپنتا ، د بهرنيو چارو وزير ١٥٠ ، ٧٥
ستر جنرال رحيم وردگ ، د دفاع وزير ، ١٦٦ ، ٦٢
ضرار مقبل ، د کورنيو چارو وزير ، ١٨٥ ، ٥١
ډاکټر احدي ، د ماليې وزير ، ١٦٨ ، ٦٦
سرور دانش ، د عدليې وزير ، ١٦٦ ، ٦٣
حنيف اتمر ، د ښوونې و روزنې وزير ،١٨٥ ، ٤٧
اعظم دادفر ، د لوړو زدکړو وزير ، ١٤٦ ، ٨١
اسماعيل خان ، د اوبو او برېښنا وزير ، ١٣٣ ، ٩٠
نعمت الله شهراني ، د حج او اوقافو وزير ، ١٤٥ ، ٨٤
سهراب علي صفري ، د فوايد عامې وزير ، ١٣٣ ، ٩٦
مخدوم رهين ، د اطلاعاتو و کلتور او ځوانانو وزير ، ٩٣ ، ١٣١
ډاکټر فاطمي ، د روغتيا وزير ، ٢١٧ ، ٢٤
عبيدالله رامين ، د کرهڼې او اوبه خور وزير ، ١٧٥ ، ٥٨
ډاکټر امين فرهنگ ، دز اقتصاد او کار وزير ، ٦٠ ، ١٥٤
انجينير عادل ، معدن وزير ، ١٢٨ ، ٩٥
اميرزى سنگين ړ د مخابراتو وزير ، ١٢٠ ، ١٠٨
ډاکټر حيدر رضا ، د سوداگرۍ او صنايعو وزير ، ٩٩ ، ١٢٣
احسان ضيا ، د کليو د پراختيا وزير ، ٢٠٦ ، ٢٧
نور محمد قرقين ، د شهيدانو او معيوبينو او ټولنيزو چارو وزير ، ١٩٤ ، ٤١
گل حسين احمدي ، د ترانسپورت او هوايي چلند وزير ، ١١٦ ، ١٠٥
ډاکټر ثريا صحبرنگ ، د ښځو د چارو وزيره ، ٩٨ ، ١٢٨
استاد اکبر اکبر ، د کډوالو وزير ، ١١٨ ، ١٠٢
محمد کريم براهوي ، د سرحداتو وزير ، ١٧٦ ، ٥٥
انجينير يوسف پښتون ، د ښاري پرمختيا وزير ، ١٢١ ، ١٠٦
انجينير حبيب الله قادري ، د مخدره توکو پر ضد د مبارزې وزير ، ١٣٥ ، ٩٥ .