اغيزمنو سيمو مارغان به وژل کيږي او څښتنانو ته به يې د تاوان پر ورکړې غور کيږي .

د ناروغو مارغانو بېلگې ايټاليا ته ليږل شوې وې هلته تر معايناتو وروسته اوس سپينه شوې چې دغه والگى نه يوازې مارغانو ته بلکې انسانانو ته هم خطر پېښوي .

د ملگرو ملتونو او افغان دولت په يوۀ گډ بيان کې ويل شوي :

(( تر اوسه پورې دغه قضيې يوازې تر مارغانو پورې محدودي دي او کوم انسان ته د دغۀ والگي د لگيدو خبر نشته . خو بايد انسانان ترې خوندي شي . ))

په بيان کې راغلي چې د اغيزمنو سيمو مارغان به وژل کيږي او څښتنانو ته يې د تاوان ورکولو پر لارو چارو غور روان دى .

د افغانستان دولت د ناروغۍ د خپرېدو د مخنيوي لپاره د نړيوالې مرستې غوښتنه کړې ده.

د روغتيا نړيوالې ټولنې ويلي دوى به افغانستان ته له دغې ناروغۍ سره د مقابلې لپاره طبي وسايل ورکوي .

په افغانستان کې د چرگانو ٩٠٠ فارمونه تړل شوي او له پاکستان څخه د چرگانو په واردولو بنديز لگيدلى دى .

د روغتيا نړيوالې ټولنې ويلي دوى به افغانستان ته له دغې ناروغۍ سره د مقابلې لپاره طبي وسايل ورکوي .

افغان چارواکو پرون د چارشنبې په ورځ خبري اژانسونو ته ويلي وو دوى په سلو کې ٩٩ باوري دي چې په هيواد کې د مارغانو پيدا شوى والگى د ايچ ٥ اين ١ ډوله دى .

د افغانستان د ناروغو مارغانو بېلگې د پلازمېنې کابل له ځينو فارمونو او د ختيځ ولايت ننگرهار څخه اخيستل شوې وې .

ننگرهار د پاکستان په پوله پروت ولايت دى ، په پاکستان کې واردمخه د مارغانو د ايچ ٥ ناروغي موندل شوې وه.

ايچ ٥ اين ١ ډوله والگى له مارغانو برسيره انسانان هم وژني .

د مارغانو ايچ ٥ اين ١ ډوله والگي په نړۍ کې تر اوسه شاوخوا ١٠٠ کسان وژلي دي چې له تيرو دوو کلونو خپور شوى دى .