پوليس وايي وسله والو موټر سايکل سپرو پر چيناييانو ډزې وکړې او وتښتيدل .

مخکينيو رپوټونو ښوول چې درې سره انجينييران وژل شوي دي .

د بلوچستان په مرکز کوټه کې پوليسود فرانسې خبري اژانس ته ويلي چې دغه انجينييران د سمنټو د يوې فابريکې پر جوړولو بوخت وو او هغه وخت ووژل شول چې په خپل گاډي کې روان وو او وسله والو کسانو پرې ډزې وکړې .

هب له کوټې څخه ٦٨٠ کيلومتره ليرې په سويل ختيځ کې پروت وړوکى ښارگوټى دى .

په دغه بريد کې د چينايي انجينييرانو موټر چلونکى هم وژل شوى دى .

دا لا معلومه نه ده چې دغه بريد چا کړى دى .

د بلوچستان په ايالت کې له تيرو څو مياشتو د بلوڅو ملت پالانو او پاکستاني پوځيانو ترمنځ نښتې روانې دي چې ډيره مرگ ژوبله يې هم لرلې ده .

په ٢٠٠٤ کال کې هم درې تنه چيناييان په دې ته ورته بريد کې وژل شوي وو .

په بلوچستان کې ډير چيناييان کار کوي . خبريالان وايي دا ډول بريدونه د پاکستان لپاره د ډير شرم وړ دي ځکه چې دوى چين ته د ستر پوځي ، سياسي او اقتصادي ملاتړي په سترگه گوري .

پرويز مشرف په راتلونکو څو ورځو کې چين ته په سفر تلونکى دى .

د پاکستان نور خبرونه د دې ځاى په کېکاږلو ترلاسه کولى شئ