دا پنځم ځل دى چې مصر د افريقا فوټبال اتلولۍ گټي چې د دغې لويې وچې يو ريکارډ دى

دا پنځم ځل دى چې مصر د افريقا د فوټبال اتلولۍ گټي چې د دغې لويې وچې يو ريکارډ دى .

له عاج ساحل سره په پايلوبه کې چې د قاهرې په لوبغالي کې د ٧٥ زره نندارچيانو په شته والي کې وشوه بې له کومه گوله مساوي ختمه شوه .

په اضافي وخت کې هم کومې لوبډلې گول ونه کړ .

د پيناتي په پنځو هڅو کې د مصر گول ساتونکي د عاج ساحل دوه هڅې شنډې کړې او په دې ډول کوربه هيواد دغه پايلوبه څلور په دوه وگټله .

په نندارچيانو کې د مصر ولسمشر حسنې مبارک هم حاضر وو چې بريالۍ لوبډلې ته يې کپ وسپارۀ .

د عاج ساحل يوازې يو ځل د افريقا فوټبال اتلولۍ گټلي دي چې هغه هم په ١٩٩٢ کال کې د پيناتي په هڅو سر ته رسيدلې پايلوبه وه .

د افريقا فوټبال اتلولۍ په هرو دوو کالو کې يو ځل کيږي . تير ځل په تيونس کې شوې وې چې هلته هم کوربه هيواد بريالى شوى و .

د لوبو نور خبرونه د دې ځاى په کېکاږلو ترلاسه کولى شئ