حمکيم سمسور له کابله

	د ښاغلي احدي مرستيال وايي ٨٠٠ ميليونه ډالر نه دي کارول شوي .

د روان لمريز هجري کال لپاره ، د افغانستان پر مختيايي بودجه ٤٠٠٠ ميليونه ډالره ده .

ددغې بودجې څه باندې ١٢٠٠ ميليونه يې د دولت ونډه وه چې بايد په هيواد کې د بيا رغونې پر پروژو لگيدلې وه . خو اوس چې کال پاى ته نژدې کيږي ، د افغانستان د ماليي وزارت د مرستيال وزير وحيدالله شهراني په وينا دولت تر اوسه له دغو پيسو يوازې ٤٠٠ ميليونه لگولي او ٨٠٠ ميليونه ېې پاتې دي .

ښاغلى شهراني ددې يو لامل په دې کې ويني چې ځينو وزارتونو دا وړتيا نه درلوده چې نړيوالو ته د منلو وړ د بيارغونې پروژې پلان او پلې کړي .

(( په خواشينې سره چې د ځينو وزارتونو وړټياوې ټيتي دي . خو پر دې سر بيره ، ددولت تدارکاتي مقررۍ هم د نړيوالو لپاره د منلو وړ نه وې او هغوى پر دغو مقررو ډېرې نېوکې درلودې . د تدارکاتو نوې مقرره جوړه شوې ده او موږ باور لرو چې د هغې له مخې به په وزارتونو کې د پيسو د لگولو وړتيا پورته شي .))

د پرمختيايي بودجې هغه اندازه پيسې چې له لگولو پاتې کېږې ، مرسته ورکونکي هيوادونه يې راتلونکي کال لپاره افغانستان ته پخپلو مرستو کې شميرى د ماليې د وزارت مرستيال شهراني

له لاسه د مرستو د وتلو پړه په ظاهر ه پر هغو وزارتونو لويږي چې وې نشو کړاى چې د وړتيا د نه درلودلو له کبله خپلې پرمختيايي بودجې ولگوي .

راپورونه وايي چې د انرژۍ او اوبو ، مخابراتو ، کانونو او صنايعو او فوايد عامه په هغو وزارتونو کې راځي چې په دې چار ه کې پاتې راغلي دي .

په داسې حال کې چې د کليو او پراختيا وزارت بيا په دې برخه کې بريالى ښودل کيږي
خو تر هغه چې دغه چارې ښې کېږې ، د افغانستان د بيارغو نې لپاره دنړيوالو مرستو په سلگونو ميليونه ډالره ، د دولت له لاسه وځي . ځکه ښاغلى شهراني وايي د پرمختيايي بودجې هغه اندازه پيسې چې له لگولو پاتې کېږې ، مرسته ورکونکي هيوادونه يې راتلونکي کال لپاره افغانستان ته پخپلو مرستو کې شميرى .

(( زموږ د مالي کسانو لپاره دا يوه لويه انديښنه ده . هغه پيسې چې روان کال کې نه لگيږي ، راتلونکي کال ته ځي چې له کبله به يې يو شمير هيوادونه د راتلونکي کال لپاره يا له لويه سره ، نوې ژمنې نه کوي او يا داچې مرستې به ېې لږيږي .))

د لندن له غونډ ې وروسته چې د افغانستان بيارغونې لپاره په کې نړيوالو د څه باندې ١٠ ميلياردو ډالرو د ورکړې ژمنه وکړه ، د دولت د وړتياوو په اړه انديښنې پر ځاى پاتې دي .

د ماليې وزارت مرستيال وحيدالله شهراني تر ډيره دغه انديښنې پر ځاى بولي ، خو هيله څر گندوي چې د دولت له لارې د مرستو د نيمايي برخې په لگيدو سره به ، د دولتي ادارو وړتياوې لوړې شي .

د اقتصاد نور خبرونه د دې ځاى په کېکاږلو ترلاسه کولى شئ