د افغانستان په بيلا بيلو ولايتونو کې له تيرو څو ورځو د کارتونو د خپريدا پر ضد مظاهرې شوې دي ،

نوې مرگ ژوبله د زابل ولايت په مرکز کې هغه مهال رامنځ ته شوه چې پوليسو پر سلگونو مظاهره کوونکو چې ډبرې يې ويشتلې، ډزې وکړې.

تر ٢٠ تنو ټپيان شوي چې ځينې يې پوليس دي.

پوليس وايي ٣٠ تنه موټرو ته د اور تر اچولو او پر امنيتي ځواکونو تر بريدونو وروسته ونيول شول.

په کابل کې هم يوه کوچنۍ مظاهره وشوه چې په سوله ييز ډول تېره شوه. مظاهرې دغه راز په بنگله دېش کې چې تر ١٠٠٠ وگړي پکې د ډاکې په واټونو کې تېر شول، او همداراز په پېښور کې هم شوي دي.

د فرانسې يوه طنزي مجله هغه وروستۍ خپرونه شوه چې دغه کارتونه يې نن ( ١٩ سلواغې د فبروري ٨ ) له سره خپاره کړل. دغې مجلې ټول دولس لومړني کارتونه خپاره کړي او له ځانه يې نور يې هم پرې ورزيات کړي دي.

د فرانسې يوې محکمې د مسلمانو دا غوښتنه ونه منله چې مجله ددغو کارتونو له خپرولو څخه راوگرځوي.

د نړۍ نور خبرونه د دې ځاى په کېکاږلو ترلاسه کړئ