حنان حبيبزى

	برتانوۍ كېرا نايټلي چې د( pride and prejudice) ( وياړ اوتعصب ) فلم له نامه دغې جايزې ته نومول

د جايزې لپاره نومول شويو ستورو ته به راتلونكې مياشت دا جايزه وركړل شي .د دې جايزې لپاره ډيرې نوې څيرې نومول شوي دي .

پر امريكايي كاوبايانو جوړفلم (Brokeback Mountain) ( بروکبک غر ) څيرې (كريكټرونه ) د نورو نومول شويو فلمونو تر منځ د جايزې لپاره زيات غوره شوي دي .

له دې فلم څخه اته تنه د جايزې وړ بلل شوي دي چې وتلى ستورى هيته ليچر هم په كې راځي . ښاغلى ليچر د لومړي ځل لپاره دې جايزې ته نومول شوى دى .

نوموړي له دې غوراوي څخه لږ وروسته دا ګام د ځان لپاره وياړ وباله . برتانوۍ كېرا نايټلي چې د( pride and prejudice) ( وياړ اوتعصب ) فلم له نامه دغې جايزې ته نومول شوې ده وويل چې ډيره خوشاله ده چې كار يې ګردو خوښ كړى دى .

د فلم د ښو لار ښودانو ( ډايريكټرانو ) په توګه يې جارج كلوني ، ملر ، پال هيګز ، اينګلي او سپيلبرګ غوره كړي دي .

د (( good night and good luck ( ښه شپه او ښه بخت ) لارښـود جارج كلوني يې په فلم ( سيريانا ) كې د فلم د اتل د ښه مرستيال په توګه هم دې جايزې ته نومول شوى دى.

ښاغلى سپيلبرګ يې د فلم ميونخ لپاره دې جايزې ته غوره كړى دى او دا شپږم ځل دى چې د اسكار د جايزې د تر لاسه كولو وياړ وربښل كيږي .

سپيلبرګ وويل چې دا د فلم جوړونكو لپاره له وياړه ډكه كال دى .

د هنر او ادب پاڼې ته د دې ځاى په کېکاږلو ستنيدلى شئ