په تيرو اوو ورځو کې دا دويم ځل دى چې د پنجاب په ايالت کې اورگاډي د ورانکاريو له امله له پټليو اوړي .

د ځايي حکومت يوۀ مامور عبدالصمد لاسي وويل د غازو پر نلليکې په ډيره بوگتي کې بريد وشو او د پاکستاني سرحدي ځواکونو پر اډې باندې د توغنديو په بريد کې يو ساتونکى ټپي شو او دېوالونه ويجاړ شول .

په بلوچستان کې د پاکستان د امنيتي ځواکونو او قبايلي ملېشو تر منځ تر يوې مېاشتې ډيره موده کيږي چې سخته جگړه روانه ده .

قبايل د سيمې له طبعي غازو څخه ډيره ونډه غواړي .

حکومت پر قبايلو تور لگوي چې په سيمه کې يې د ملېشو روزونکي کمپونه جوړ کړي دي .

بل پلو پاکستاني چارواکي په ختيځ ولايت پنجاب کې د يوۀ اورگاډي د ټکر پر علتونه پلټنې کوي چې په تيره اوونۍ کې د دغې سيمې دويمه پېښه ده .

د پاکستان د ريلوې وزير وايي ورانکاري پکې ممکنه ده . مامورين وايي هغه وخت يو تن ووژل شو او لږ تر لږه ٢٠ تنه نور ټپيان شول چې اورگاډى يې د سمارستا ښارگوټي ته نژدې له پټليو واوښت دغه اورگاډى له کراچۍ لاهور ته روان وو .

د تيرې يکشنبه په ورځ شپږ کسان ووژل شول او ٤٠ تنه نور هغه مهال ټپيان شوو چې جهلم ته نژدې اورگاى واوښت مامورين يې پړه پر ورانکارو واچوله .

د پاکستان نور خبرونه د دې ځاى په کېکاږلو ترلاسه کولى شئ