يوې پوځي محکمې چې د جمعې په ورځ يې په بگرام کې د امريکاييانو په لويه پوځي اډه کې غونډه کړې وه، د قطعې ووړ ضابط جيمز هيز د بد چلند لپاره د دسيسې په يوه مورد او دوه ځله عملا" د ناوړه چلند په ترسره کولو پړ وخېژاوه.

پر ضابط هيز او يوه بل پوځي چې د هغه محاکمه سبا پيليږي، تور دى چې د ارزگان ولايت په يوه اډه کې يې بنديان پر ټټر، مټو او اوږو په سوکانو وهلي وو.

ددغو ځواکونو د جنايي عدالت مسوول ډگرمن باب فېفر وويل : دا موضوع خورا جدي نيول شوې ده.

د جېمز هيز يوه پوځي رتبه هم ترې اخيستل کېږي او د عادي سرتيري پوړۍ ته کښته کېږي او دغه راز به د بند په څلورو مياشتو کې معاش نه ورکول کېږي.

د نړۍ نور پښتو خبرونه د دې ځاى په کېکاږلو ترلاسه کړئ