 | | | بن کې د افغانستان پر راتلونکي خبرې |
زموږ د دې اوونۍ بحث د بن د تړون د څلورمې کليزې په هکله دى، هغه تړون چې د افغانستان د سياسي، اقتصادي او ټولنيزې بيا رغاونې لپاره يې يوه لارنقشه رامنځته کړه او د پلي کولو لپاره يې نړيواله ټولنه له افغانانو سره مرستې ته ژمنه کړه. د نوي اساسي قانون تصويب، د ولسمشرۍ او ولسي جرگې ټاکنې او ځينې نور د دغې نقشې له مخې اخيستل شوي لوى گامونه گڼل کيږي. خو د افغانستان ستونزې لا پايته نه دي رسيدلي چې د لمنځه وړلو لپاره يې اوس هم نړيوالو مرستو ته هغومره اړتيا ليدل کيږي چې کېده. افغان چارواکي او ملگري ملتونه هيلمن دي چې د راتلونکې مېاشتې په پاى کې لندن کې جوړېدونکى نړېوال کنفرانس (د افغانستان تړون) به نړيوال مرسته ورکونکي له افغانستان سره د خپلو مرستو دوام ته له سره ژمن کړي. په دې راډيويي بحث کې افغانستان لپاره د بن د تړون پايلې، له لاسه وتلي فرصتونه او ترې اخيستل شوي درسونه د افغانستان د کليو د پراختيا له وزير محمد حنيف اتمر، د سياسي چارو کارپوه ډاکتر روستار ترکي او د علومو اکاډيمۍ له غړي حبيب الله رفيع سره څېړل شوي دي. د بحث وړاندې کونکى: اسماعيل سعادت | 
طالبان اوس څه کوي ؟
دغه بحث د دې ځاى په کېکاږلو واورئ
