په افغانستان کې د پخلاينې کميسيون وايي په سلگونو طالبانو وسلې پر مځکه ايښي او يو شمير نور نيول شوي دي .

په تېرو دوو مياشتو کې په پلازمېنه کابل کې ددوهم ځل له پاره په ظاهره ځان وژونکي بريدونه کيږى.

بل لور ته طالبانو د ولسمشر کرزي د سولې وړانديز هم نه دى منلى او وايې چې يوازينۍ لاره جگړه ده.

پوښتنه داده چې آيا طالبان د راټولېدلو په حال کې دي او که د هغوى د يو ځاى کېدلو هلې ځلې روانې دى؟

طالبان په خلکو کې څومره ملاتړ لري؟ او د سولې په بهير کې د پراخ شمېر طالبانو ورگډول ځومره د تاوتريخوالى مخ نيولاى شي؟

د اوونۍ بحث پر همدې موضوع غور کوي. دپروگرام مېلمانه په کابل کې دافغانستان ددفاع وزارت د ښوونې او روزنې رئېس بريد جنرال محمد امين وردگ، افغان ژورنالست فضل رحمان اوريا اوپه په پېښور کې د بي بي سي خبرېال رحيم الله يوسفزى دي.

د پروگرام وړاندى کونکې نجيبه لېمه ده

طالبان اوس څه کوي ؟ د دې ځاى په کېکاږلو اوريدلى شئ