باز محمد نه يوازې مخدره توکي قاچاقول بلکه له طالبانو سره يې هم اړيکي لرلې .

په امريکا کې څارنوالي وايي لومړنى افغان چې د نشه يي توکو په قاچاق تورن او له طالبانو سره تړلى بلل شوى، امريکا ته وسپارل شو.

پر دغه کس چې بازمحمد نومېږي تور دى چې د نشه يي توکو د قاچاق د يوۀ نړيوال جال په سر کې وو چې امريکا او نورو هيوادو ته يې د ٢٥ ميليونو ډالرو په ارزښت هيرويين قاچاق کړي دي.

پر هغه تور دى چې د خپلې ډلې غړو ته يې ويلي وو چې امريکا ته د نشه يي توکيو رسول جهاد دى، ځکه چې له امريکاييانو نه د هغه څه په بدل کې پيسې تر لاسه کوي چې وژني يې. بازمحمد وايي چې بېگناه دى.

نوموړى که پړ راوخوت نو ښايي له عمري بند سره مخامخ شي.