 |  په ننگرهار، هلمند، لغمان او څه باندى لسو نورو ختيڅو او مرکزى ولايتونو کى سږ کال لږ کوکنار کرل شوى دى. |
د افغانستان د حکومت او د ملگرو ملتونو د سازمان يوه چټکه ارزونه ښيى چى د افغانستان په ډيرو سيمو کى د کوکنارو کرنه لږ شوى ده. خو په کندهار، فراه او دريو نورو ولايتونو کى بيا د چارواکو په وينا ډير کوکنار کرل شوى دى. د يوى خبرى غونډى پر مهال له مخدره توکو سره د مبارزى د وزارت مشر حبيب الله قادرى وويل: د کوکنارو د نه کرنى په بدل کى له افغان بزگرو سره مرستى خورا لږ دى - او د ده په وينا، نړيوالى ټولنه بايد له بزگرو سره د بديل معيشت اغيزمنى مرستى وکړى. د کوکنارو د کرکيلى، قاچاق او نرخونو په هکله دا چټکه ارزونه د افغانستان په ٢٠٠ ولسواليو کى ترسره شوى چى د دى هيواد شاوخوا نيمايى برخه جوړوى. |  په کندهار، فراه، بادغيس، بغلان او سر پل ولايتونو کى سږ کال خورا ډير کوکنار کرل شوى دى |
که څه هم په ارزونه کى موندل شوى چى، په ننگرهار، هلمند، لغمان او څه باندى لسو نورو ختيڅو او مرکزى ولايتونو کى سږ کال لږ کوکنار کرل شوى دى.خو دا ارزونه د افغانستان د حکومتى چارواکو له وړاندنيو اټکلونو سره اړخ نه لگوى چى، ويل يى په ٢٠٠٥ ميلادى کال کى به د کوکنارو په کرنى کښى په سلو کى پنڅوس کمښت راشى. څکه د ارزونى له مخى په کندهار، فراه، بادغيس، بغلان او سر پل ولايتونو کى سږ کال خورا ډير کوکنار کرل شوى دى. پداسى حال کى چى ولسمشرحامد کرزى د مخدره توکو له کرکيلى او قاچاق سره د جهاد اعلان کړى او د حکومتى چارواکو په وينا تيرکال څه باندى ٧١ زره جريبه مڅکه د څانگړو څواکونو لخوا د کوکناو له بوټو پاکه شوى ده.
| 
دا پاڼه کوم ملگري ته ولېږئ
چاپي بڼه