تر اوسه پورې د امريکايي ځواکونو له خوا غبرگون نشته

په عراق کې يوۀ مخکښه سني عرب مرکچي رايټرز خبري اژانس ته ويلي دي چې د متحدو ايالاتو سرتيري او سني وسله وال مخالفين دې د روژې د مياشتې په ترڅ کې اوربند وکړي چې دا به د مخامخ خبرو اترو لپاره د چمتووالي په نيت وي .

صالح المتعلق وويل د هغو سني ډلو ايتلاف چې دى يې استازيتوب کوى وسله والو مخالفانو ته نژدې دي او ښايي د خبرو اترو لاره وغوړوي .

ښاغلي متعلق وويل په جگړه کې بوختې گڼې غاړې چې دۀ يې له نوم اخيستلو ډډه وکړه ښايي د اوربند وړانديز ته د غاړې اېښودو لپاره سره کښېني .