ابراهيم الجعفري د ايران له دولتي تلويزيون سره په خبرو کې دغه تور رد کړ .

د عراق لومړي وزير ابراهيم الجعفري د برتانيا د حکومت هغه گومان رد کړ چې ښايي ايران د وسله والو مخالفانو مرسته کوي چې په عراق کې د برتانيا د ځواکونو پر ضد بريد وکړي .

د ايران پر دولتي تلويزيون باندې د خبرو پر وخت ښاغلي الجعفري وويل دا تورونه بې بنسټه دي .

د برتانيا لومړي وزير توني بلير وويل په عراق کې د کاريدليو چاودنو توکي دې امکان ته گوته نيسي چې ايران به پکې ښکېل وي .

د برتانيا د بهرنيو چارو وزير جک سټرا وويل يو شمير برتانيوي سرتيري په دغو توکو وژل شوي دى ، دۀ پر ايران غږ وکړ چې پر دې مسالې خبرې وکړي او مناسب گامونه پورته کړي .