د سوداگرۍ نړيواله اداره به د اکتوبر په ١٨ نېټه د برازيل په غوښتنه غور کوي .

برازيل د سوداگرۍ له نړيوالې ادارې اجازه غوښتې ده چې پر متحدو ايالاتو باندې بنديز ولگوي ځکه چې هغوى د مالوچو يا پنبې پر بزگرانو باندې د خپلو سبسديو په کمولو کې پاتې راغلي دي .

که چيرې دا بنديز ولگيږي نو واشنگټن به د کال يو ميليارد ډالره تاوان وکړي .

برازيل وايي متحدو ايالاتو د سوداگرۍ د نړيوالې ادارې له هغۀ مهال وېش سره سم گام نه دى اخيستى چې تيره مياشت پوره شو .

د برازيل پر غوښتنه به د کتوبر په ١٨ نېټه غور کيږي . په يوې بلې پرمختيا کې برازيل د چينايي توليدانو پر واردولو باندې خپل احتياطي لگول شوي گامونه پر ځاى ساتلي دي .

په روانه اوونۍ کې چين وويل که چيرې دغه گامونه پورته شول نو د دواړو هيوادونو پر اړيکو به اغيز وکړي .