په افغانستان کې د تخنیکي زده کړو لپاره د کتابونو د ژباړې او چاپ لړۍ د لومړي ځل لپاره له تېرو دوو کلونو راهیسې پيل شوې ده.
د افغانستان د پوهنې وزارت، وايي په تېرو ۹۶ کې دا لومړی ځل دی چې تخنیکي زده کړو لپاره په پښتو کتابونه ژباړل شوي او چاپ شوي.
وزارت پلان لري، تر راتلونکو پنځو کلونو پورې له دري، عربي، انګلیسي او جرمني ژبو نژدې ۳۰۰۰ عنوانه کتابونه پښتو ته وژباړي.
تراوسه تخنیکي زده کړې په افغانستان کې څه باندې ۷۰ څانګي لري، خو چارواکي وايي دغه شمېر به ۱۵۰ ته ورسوي.
وزارت غواړي په تخنیکي زده کړو کې د سنیګار لپاره هم یوه څانګه په راتلونکې کې جوړه کړي او پښتو کتابونه ورته ومومي.
د پوهنې وزارت وايي، که د افغانستان هر لیکوال په تخنیکي او مسلکي برخو کې لیکل شوي اثار ولري، دوی یې په بیه ترې اخلي.
