د پاریس کې د سولې غونډه، اغېز او هیلې

د فرانسې په پلازمېنه پاریس کې د افغانستان د سولې شورا او وسله والو طالبانو د استازو په ګډون د بېلابېلو لوریو تر منځ د خبرو اترو غونډه کېږي.

په غونډه کې شهاب الدین دلارو او محمد نعیم وردګ د طالبانو استازیتوب کوي. شهاب الدین دلاور په قطر کې د طالبانو د دفتر غړی دی او د طالبانو د واکمنۍ پر مهال یي په سعودي عربستان او پاکستان کې د سفیر په توګه دنده تر سره کړې ده.

همدا راز د سولې د شورا د دارلانشا مشر محمد معصوم ستانکزی، د شورا غړی عبدالحکیم مجاهد او د ولسمشر کرزي یو سلاکار حاجي دین محمد ګډون کوي.

د یونس قانوني او محمد محقق په ګډون د پخوانۍ شمالي ټلوالې یو شمېر مشران هم دې غونډې ته وراغلي دي.

بل لور ته غیرت بهیر د ګلبدین حکمتیار د حزب اسلامي له لوري په غونډه کې ګډون کوي.

پوښتنه دا ده چې په دې غونډه کې نوې خبرې کومې دي او دا ډول غونډې د سولې په راوستو کې څومره اغېزمنې دي؟

له داود اعظمي سره د اسمعیل میاخیل مرکه