عبدالصمد روحاني له هلمنده

	ځايي اوسېدونکي وايي بهرني سرتيري له څو ورځو راهيسې د موسى كلا په څنډو كې پراتۀ دي

دهلمند والي اسدالله وفا وويل افغان او بهرني ځواکونه دواړه په دې عملياتو کې برخه اخلي، خو د پرمختگ په اړه يې څه ونه ويل.

ښاغلي وفا بي بي سي ته يوازې همدومره وويل چې عمليات روان دي، خوداچې د تيري ورځې راهيسې يې لاسته راوړنې څه دي په اړه يي معلومات ورنه كړل .

خو ځايي اوسېدونکي وايي چې افغان اونړيوال سرتيري له څو ورځو راهيسې د موسى كلا په څنډو كې گزمې کوي اوكوم پرمختګ يې نه دى كړى. ځايي خلک ددې ترڅنګ تيره شپه دموسى كلا د مظهراباد په سيمه كې د وسله والو طالبانو اونړيوالو ځواكونو ترمنځ يوازې ديوساعته جګړې خبره هم كوي .

دموسى كلا ډيرى اوسيدونكي وايي چې ځايي خلک له جگړې څخه د ځاني خونديتوب په هيله له كورنو څخه دښتو ته وتلي دي .

وسله وال طالبان ادعا كوي چې په موسى کلاكې جګړه دځايي خلکو دژونددګواښولو په مانا ده. د طالبانو يوتن وياندقاري يوسف احمدي چې له بي بي سي سره دټيليفون پركرښه غږېدۀ ادعا وكړه چې طالبان به په موسى كلا كې دهرډول عملياتو مخه نيسي .

خوافغان ځايي چارواكې وايي چې ځايي قومي مشرانو له دوى دعملياتو د ترسره کيدو غوښتنه كړې ده.

دغه ولسوالۍ دهلمندپه شمال كې پرته ده اوله تيرو لسو مياشتو څخه يي واك له وسله والو طالبانو سره دى .

د يادوني وړده چې دموسى كلا ترڅنګ درې نورې ولسوالۍ باغران ، خانشين او ديشو هم دوسله والو طالبانو په ولكه كې دي.