د عکسونو البوم: د کابل زنبق څلورلارې د معترضینو له خېمې ټولولو وروسته

د بي بي سي خبریال اسمعیل شهامت د کابل زړه کې هغې سیمې ته تللی، چې تېره شپه پولیس له معترضینو سره لاس او ګرېوان شول. هلته لاهم ګڼ پولیس لیدل کېږي.

د پولیسو سرچینو منلې ده چې په دې نښته کې یو معترض وژل شوی او پنځه نور ټپیان دي.

د بي بي سي خبریال وايي، کابل ښاروالۍ د خېمې ځای پاک کړی او د تېرې شپې د نښتو کوم اثر نه معلومېږي.

زموږ د خبریال په وینا، کابل کې معترضینو ادعا کړې چې د تېرې شپې نښته کې د دوی دوه کسان وژل شوي او ۷ نور ټپیان دي.

معترضان وايي پولیسو تېره شپه ۱۲ نیمې بجې د دوی د خېمو په ټولولو لاس پورې کړ چې بیا وروسته نښته پیل شوه او د ګهیځ تر ۴ بجو یې دوام وکړ.