د عکسونو البوم: په ذهني ناروغیو د اخته ښځو حال
د عکس تشریح، که څه هم افغانستان کې ښځې له ډېر څه بې برخې دي، خو که ذهني ناروغي ولري بیا نو ژوند ورته لا ډېر ګران شي.د عکس تشریح، په دې هېواد کې یوازې دوه نادولتي مرکزونه دي چې په سختو ذهني ناروغیو د اخته شاوخوا سلو ښځو ساتنه کوي، حال دا چې افغانستان کې زرګونه کسان په ورته ناروغیو اخته دي.د عکس تشریح، دا دوه مرستونونه د افغان سرې میاشتې ټولنې له خوا د ذهني ناروغو مېرمنو لپاره جوړ شوي.د عکس تشریح، زموږ همکار عبیدالله حسام کابل کې ددې ټولنې یوه مرستون ته تللی چې شاوخوا اتیا ښځینه ناروغانې پکې ساتل کیږي.د عکس تشریح، په کابل کې د افغان سرې میاشتې ټولنې په یوه مرستون کې یوشمېر ښځې چې وایي په ذهني ناروغیو اخته دي راټولې شوې وې، سندرې ویلې او نڅاګانې یې کولې. په همدې کار یې خپل ذهنونه بوخت ساتي.د عکس تشریح، دغه مرستون کې نژدې اتیا مېرمنې د ناسم ذهني توازن ګډ درد سره یو ځای کړي دي.د عکس تشریح، په دوی کې د ژوند خبرې لږې کیږي، خیال یې هم د مرګ په کیسو سر وي.د عکس تشریح، فرشته او نیلوفر دوه خویندې دي، یوه بله خور یې همدلته د دوی په څنګ کې د ورپېښې ناروغۍ له امله مړه شوه.د عکس تشریح، یوه بله بیا هاخوا د خونې په یوه ګوټ کې ناسته او په ژړا سر وه.د عکس تشریح، د مرکز کارکونکې شهناز چې خاله شنهاز یې بلله، راته ویل دا پېغله کرۍ ورځ له دې ځایه د وتلو په هیله ژاړي.د عکس تشریح، د افغانستان سرې میاشتې ټولنه چارواکي وايي، د سختو ذهني ناروغو ښځو لپاره د کابل سربېره، په لوېدیځ هرات ولایت کې هم د ښځو لپاره یو ځانګړی مرکز لري، چې شاوخوا ۳۲ ناروغې مېرمنې پکې ساتل کېږي.د عکس تشریح، افغانستان کې یوازې دوه نادولتي مرستونونه دي چې ددې خلکو لپاره جوړ شوي.د عکس تشریح، د افغان سرې میاشتې په دې مرستون کې هره یوه یې جلا جلا کیسه لري.د عکس تشریح، د افغان سرې میاشتې ټولنې د کابل مرستون څلور، څلور کسیزه خونې لري. خو اوس پکې د ځای د تنګوالي او امکاناتو نشتوالي له امله شل ناروغې ښځې ساتل کیږي.د عکس تشریح، مرستون ته له ورتګ سره یوې یې له لاسه ونیولم، ګواښونه یې کول: '' که مې له دې ځایه ونه باسې، اعداموم دې. ''د عکس تشریح، په دې مرکز کې د شاوخوا اتیا ناروغو مېرمنو لپاره یوازې یو حمام دی.د عکس تشریح، په دې مرستون کې ناروغې مېرمنې له خپل درده سره د کورنۍ د لرېوالي غم هم ګالي او هره یوه په دې کړکۍ کې د خپلو خپلوانو په لیدو پسې سترګې ځغلوي.د عکس تشریح، افغانستان کې لا کره شمېرې نشته چې څومره کسان له ذهني پلوه سخت ناکراره دي.
