दूधको प्याकेटबाट ‘ब्याग’ बनाउने बा

ललितपुर पाटनको वल्खु टोलका ८२ वर्षे बाबुकाजी महर्जन आफूलाई काममा व्यस्त राखिरहन्छन्।

उनले प्रसूति गृहको जागिरबाट अवकाश लिएकै दशकौँ बितिसक्यो, तर पनि उनी निकै जोस र जाँगर साथ सक्रिय जीवन बिताइरहेका छन्।

उनी आफूलाई काममा व्यस्त राखिरहन्छन्।

फ्याँकिएका दूधका प्याकेटबाट उनले चाखलाग्दा सामानहरू बनाउने गरेका छन्।

धेरै जसो आफ्ना लागि र आफ्नो घरकै प्रयोगका लागि बनाउँछन् भने केही केही सामान विदेशीले किन्छन् पनि।

“खेर जाने दूधको प्याकेट काटेर म ब्याग टोपी, चप्पल, मास्क र इस्टकोट जस्ता विभिन्न सामग्रीहरू बनाउँछु। बेच्नै पर्छ भन्ने पनि छैन नि। घरमा नै प्रयोग गर्न हुन्छ भनेर बनाउन थालेको,” उनले बीबीसी न्यूज नेपालीलाई बताए।

उनले दूधको प्याकेटबाट कसरी र कस्ता सामान बनाउँछन् भन्ने जान्न हेर्नुहोस् सृजना श्रेष्ठले बनाएको यो भिडिओ।