...आणि 'त्या' बिबट्याच्या पिलाला फरपटत नेत त्यांनी मारून टाकलं

गोंदिया जिल्हयात 8 महिन्यांच्या बिबट्याच्या पिलाचा छळ करून त्याला मारून टाकण्याची घटना घडली आहे. सडक अर्जुनी तालुक्यातील शेंडा लोयलारी गावात ही घटना घडली. सेल्फी आणि फोटो घेण्यासाठी या बिबट्याच्या जखमी पिलाचा छळ करणाऱ्या तिघांना वनविभागाने अटक केली आहे.

शेंडा लोयलारी गावाशेजारील जंगलात एका बिबट्याच्या मादीनं तीन बछड्यांना जन्म दिला होता. हे तिनही बछडे 8 महिन्यांचे झाल्याने स्वतंत्र राहू लागले होते. यातील पहिले दोन बछडे जखमी अवस्थेत वन विभागाला आढळले होते. त्यांच्यावर उपचार सुरू असतानाच त्यांचा मृत्यू झाला होता.

या तिसऱ्या बछड्याला जखमी अवस्थेत गावकऱ्यांनी घेरलं आणि त्याचा छळ केला. या छळातच या बिबट्याचा मृत्यू झाला. या सगळ्या घटनेचा व्हीडिओ सोशल मीडियावर व्हायरल झाला होता. हा विचलित करणारा व्हीडिओ तुम्हाला खाली दिलेल्या बीबीसी विश्वच्या बुलेटीनमध्ये पाहता येईल.

'बीबीसी विश्व' हे मराठीतलं एकमेव पूर्णतः डिजिटल बुलेटीन तुम्ही सोमवार ते शुक्रवार संध्याकाळी ७.०० वाजता मोबाईलवर जिओ टीव्ही अॅपवर पाहू शकता.

बीबीसी विश्व बुलेटीन पाहिलंत का?

(बीबीसी मराठीचे सर्व अपडेट्स मिळवण्यासाठी तुम्ही आम्हाला फेसबुक, इन्स्टाग्राम, यूट्यूब, ट्विटर वर फॉलो करू शकता.)