ЖАНЕТА СКЕРЛЕВ, УРЕДНИЧКА НА МАКЕДОНСКАТА РЕДАКЦИЈА, ЗА ШАБЛОНИТЕ

ЖАНЕТА СКЕРЛЕВ, УРЕДНИЧКА НА МАКЕДОНСКАТА РЕДАКЦИЈА, ЗА ПРИДАВКИТЕ

На пример – спортски радио-новинар не се станува ако речете: „на стадионот под Тумбе-кафе време сончево, терен подготвен за игра“.

А водител кој има шарм секако нема да се потпре на – „невообичаено сончевото време за овој период во годината измами бројни скопјани на блиските излетнички места“.

Бидете оригинални и свои но уште подобро, кажете едноставно за да ве разберат слушателите.

Придавки...

Ах, тие придавки - често се проблематични и можат повеќе да заморуваат и да го оптоваруваат вашето известување, отколку да придонесуваат за него.

Со придавките треба да бидеме скржави.

Ако е темница, нека биде темница – не мора да е црна...паузите не мора да бидат напнати, летото „изгор-жешко“, а зимата „кочан-ладна“.

Зошто да кажеме дека некој „јасно ставил до знаење“, кога можеме да кажеме дека некој „кажал нешто“.

Известувајќи дека „во извонредниот говор мудриот политичар со младешки елан и беспрекорна елоквентност ги кренал на нозе обожувачите во свечено украсената сала преполна со луѓе до последното место кои френетично му аплаудирале....“

Добро, ова можеби ви изгледа малку претерано, но верувале или не, е вистинско и е дел од известувањето на еден наш колега.

Ваквиот стил не само што е старомоден, тежок за следење, полн со клишеа и непротребни придавки, туку ја доведува под сомневање и непристрасноста- некако се добива чувство дека новинарот навива за „мудриот политичар со младешки елан?“