ЖАНЕТА СКЕРЛЕВ, УРЕДНИЧКА НА МАКЕДОНСКАТА РЕДАКЦИЈА, ЗА ПРЕВЕДУВАЊЕТО

Ова вклучува и материјали на БиБиСи, но и вести и секакви други материјал од разни извори.

Ние не преведуваме буквално, од збор до збор.

Таквиот превод може да го збуни слушателот до таа мера што или ќе препознае лош превод или ќе се запраша, на кој ли тоа јазик слуша?

На пример, во еден, сега веќе легендарен превод од англиски, „guinea pigs”, односно „заморчиња“, беше толку буквален што реченицата гласеше „луѓето од селото каде што се вршеа истражувањата доцна сфатија дека се гвинејски свињи“!!!

Фразата „to hit the nail on the head” не би требало да ја преведеме со „го удри клинецот по глава“, туку со – ја погоди суштината, нели?

Преводите треба да се во духот на македонскиот јазик – за најдобро да го примените тоа, размислувајте не дека преведувате, ами дека – прилагодувате на македонски!