Жээнбековдун Кытай сапары: кызматташтыктын жаңы деңгээли
- Author, Алмаз Чороев
- Role, Би-Би-Си Кыргыз кызматы
Президент Жээнбековдун Кытайдагы мамлекеттик сапарынын жүрүшүндө, эки өлкөнүн ортосунда кызматташтык жөнүндө бир нече документке кол коюшту. Анын ичинде ар тараптуу стратегиялык өнөктөштүктү орнотуу жөнүндө биргелешкен декларация, Кыргызстан аркылуу газ өткөргүч куруу жөнүндөгү өкмөттөр аралык макулдашууга өзгөртүү киргизүү жөнүндө протокол бар.
Баракча ачылбайт
Facebook баракчадан көбүрөк пост окууБи-Би-Си сырткы интернет сайттардын мазмуну үчүн жооптуу эмес.Facebook посттун аягы
Ошондой эле Кытай тарап Кыргызстандын Ѳзгөчө кырдаалдар министрлигине мобилдүү госпиталды жеткирүү боюнча долбоорун ишке ашырууга макул болду.
Сүрөттүн булагы, DOSALIEV SULTAN
Президент Жээнбеков менен КЭРдин лидери Си Цзинпин эки тараптуу сүйлөшүүлөрдү жемиштүү болду деп белгилешти. Жээнбеков биринчи мамлекеттик сапары Кытайга болуп жатканына кубанып турганын айта кетти.
Эки лидер ошондой эле ШКУга мүчө мамлекеттердин кезектеги жыйыны жөнүндөгү маселени да талкуулашты. ШКУнун саммитинин алкагында Жээнбеков Тажикстан, Индия, Монголиянын башчылары менен эки тараптуу жолугушууларды өткөрөт.
Шанхай кызматташтык уюмунун Циндао шаарындагы саммитинен кийин ШКУдда төрагалык кылуу Кыргызстанга өтүп, кезектеги саммит келерки жылы Бишкекте болот.
