Ihe Peter Obi na Atiku Abubakar kwuru maka mpụtara ntuliaka okpuru ọchịchị Rivas steeti

Ọtụtụ mmadụ ekwuola okwu gbasara nhazi na mpụtara ntụliaka okpuru ọchịchị Rivas steeti.

Ụfọdụ kọwara ya dịka ntuliaka gara n'ụzọ udo ebe ụfọdụ ndị ọzọ katọrọ ya ma kwuo na ọ gbasoghị ezi usoro e si eme ihe.

Atiku Abubakar bụbu osote onyeisiala Naịjirịa kọwara ntuliaka ahụ dịka "nke dị egwu nakwa nke megidere usoro ntuliaka n'ọchịchị onye kwuo uche ya".

O kwuru sị: "Site n'ụzọ na-eme ihere ndị ọchịchị nchereoge siri gaa n'ihu hazie ntuliaka okpuru ọchịchị na Rivas steeti, o doola anya na pati APC na-achị Naịjirịa akwadoola onwe ha ime ihe niile kwere ha omume iji were ọchịchị n'ike."

Abubakar kpọkuru ụmụafọ Naịjirịa ndị bu ọdịmma ya n'obi, mbaụwa, ndị enyi na ndị ha na Naịjirịa na-emekọrịta ihe, ka ha hụ "ụzọ ọjọọ ọchịchị Onyeisiala Bola Tinubu na-akpụga mba ahụ".

Ọ gwakwara otu ndị na-agba gọọmenti ụkwụ na Rivas steeti ka ha ghara ịnabata mpụtara ntuliaka ahụ n'ihi na iwu Naịjirịa anabataghị ndị ọchịchị nchereoge haziri ya.

N'ọzọ yiri nke ahụ, onye bụbu gọvanọ Anambra steeti nakwa onye jiri aha Labour Party zọọ ọkwa onyeisiala Naịjirịa na ntuliaka afọ 2023 bụ Peter Obi kọwara ntuliaka okpuru ọchịchị Rivas steeti dịka "ibugo mpụ na omekome n'ogogo dị elu".

N'ozi o bipụtara n'akara ọbaozi X ya, Peter Obi sịrị na ọnọdụ ahụ na-anọchiteanya ọdachi maka ọchịchị onye kwuo uche ya na Naịjirịa, bụ ebe Onyeisi ọchịchị nchereoge a họpụtara n'ụzọ iwu na-akwadoghị jiri aka ya hazie ntuliaka.

O kwuru na nke ahụ abụghị ọchịhị onye kwuo uche ya, ka ọ bụ "imebi ntọala" ya.

Dịka Obi siri kwuo, "arụ na-amụta arụ, ebe ihe ọbụla e wuru na ntọala megidere iwe bụ ihe iyi egwu nye mba ọbụla na ndị bi n'ime ya."

APC ewerela azịza zakọrọ ọkwa Onyeisioche na ntuliaka okpuruọchịchị Rivas Steeti

Pati nọ n'ọchịchị na Naịjirịa bụ All Progressive Congress (APC) meriri n'okpuruọchịchị iri abụọ n'ime iri abụọ na atọ dị na Rivas steeti na ntuliaka ọkwa Onyeisioche e mere na Satọde 30 Ọgọst, 2025.

Pati Peoples Democratic Party (PDP) nọ n'ọchịchị na Rivas Steeti meriri naanị n'okpuruọchịchị atọ nke gụnyere Port Harcourt, Obio Akpor na Ogba/Egbema/Ndoni.

Nke a bụ mbụ na Rivas Steeti, kamgbe afọ 1999, pati APC ga-emeri ntuliaka n'okpuruọchịchị iri abụọ n'ime iri abụọ na atọ nke steeti ahụ

Onyeisi ụlọọrụ haziri ntuliaka na Rivas Steeti bụ Michael Odey kwupụtara ndị meriri na ntuliaka ahụ n'isiụlọọrụ ha dị na Port Harcourt.

Chairman RSIEC Dr. Michael Odey announce di winners of di LG election for di commission headquarters for Port Harcourt.

Mpụtara ntuliaka n'uju

Abua/Odual LGA - APC

Onyeisioche: Ofori Owolabi

Vootu: 28755

Osote Onyeisioche: Abunu Victoria

Ahoada East - APC

Onyeisioche: Solomon Achoma

Vootu: 54,509

Osote Onyeisioche: Florence Ndukwu

Ahoada West - APC

Onyeisioche: Eugene Ebele Cheta

Vootu: 84125

Osote Onyeisioche: Josephine Uba

Akuku Toru: APC

Onyeisioche: Bob Fubarab A.

Vootu: 63593

Osote Onyeisioche: Wariagbani George

Andoni- APC

Onyeisioche: Otua Loveday Promise

Vootu: 126,181

Osote Onyeisioche: Ezekiel Raphael Adebani

Asari Toru LGA- APC

Onyeisioche: George Onengiyeofori

Vootu: 56383

Osote Onyeisioche: Deborah Amos Bobmanuel

Bonny LGA - APC

Onyeisioche: Pepple Abinye Blessing

Vootu: 30543

Osote Onyeisioche: Ibimieye Alagbari

Degema LGA - APC

Onyeisioche: Michael George Williams

Vootu: 61536

Osote Onyeisioche: Harry Maureen

Eleme LGA - APC

Onyeisioche: Obarilomate Ollor

Vootu: 77452

Osote Onyeisioche: Beauty Eke

Emohua LGA - APC

Onyeisioche: Lloyd Chidi Julius

Vootu: 114308

Osote Onyeisioche: Amadi Lilian Obiageri

Etche LGA - APC

Onyeisioche: Njoku Boniface Chima

Vootu: 100649

Osote Onyeisioche: Obele Faith

Gokana LGA - APC

Onyeisioche: Deborah Confidence

Vootu: 96478

Osote Onyeisioche: Kpobari Epsibari

Ikwerre LGA - APC

Onyeisioche: Wobodo Charles

Vootu: 62746

Osote Onyeisioche: Kinika Ethel Chidi

Khana LGA - APC

Onyeisioche: Thomas Bariere

Vootu: 156027

Osote Onyeisioche: Ngbere Mpigi

Obio/Akpor LGA - PDP

Onyeisioche: Dkt. Gift Onyinye Wodo

Vootu: 328823

Osote Onyeisioche: Dkt. Mrs. Gloria Joyce Nyeche

Ogba/Egbema/Ndoni - PDP

Onyeisioche: Chukwu Shedrach Ogbodo

Vootu: 51051

Osote Onyeisioche: Dkt. Happiness Nwokocha

Ogu/Bolo LGA- APC

Onyeisioche: Vincent Nimieboka

Vootu: 36374

Osote Onyeisioche: Alabo Eunice

Okrika LGA - APC

Onyeisioche: Akuro Alfred Tobin

Vootu: 32285

Osote Onyeisioche: Obulubo Charity

Omuma LGA - APC

Onyeisioche: Obasi Uchechukwu

Vootu: 38530

Osote Onyeisioche: Achiri Faustina Joy

Opobo/Nkoro LGA - APC

Onyeisioche: James A. James

Vootu: 34822

Osote Onyeisioche: Jacks Gladys

Oyigbo LGA - APC

Onyeisioche: Okechukwu Akarao Nwogu

Vootu: 101495

Osote Onyeisioche: Okorie Ngozi Juliana

Port Harcourt - PDP

Onyeisioche: Sir Allwell Ihunda

Vootu: 235054

Osote Onyeisioche: Tom Quinn Mina Mildred

Tai LGA - APC

Onyeisioche: Okwe Mbakpone

Vootu: 70080

Osote Onyeisioche: Caroline Amawa

Ntuliaka a bụ iji họpụta ndịisioche okpuruọchịchị nakwa ndị kaụnselọ dị iche iche na steeti ahụ.

Ọtụtụ ndị mmadụ apụtaghị bịa tụọ vootu n'oge ntuliaka, o doghi anya maọbụ n'ihi ọnọdụ ọchịchị nchereoge nke Onyeisiala Tinubu tinyere na Rivas steeti n'ọnwa Maachị, 2025 butere ya.

Mịnịsta na-ahụ maka isiobodo Naịjirịa bụ Nyesom Wike kwuru na ntuliaka a ga-emepe ohere mbuli ọnọdụ gbata gbata ahụ e tinyere.

N'aka nke ọzọ Onyeisi ọrụ ọchịchị nyereoge na Rivas Steeti bụ ọchịagha Ibok-Ete Ekwe Ibas kwuru na ntuliaka ahụ gara ọfụma na e nweghi ọgbaghara ọbụla.

O kwuru na nke a gosiri na a ga-eweghachite ọchịchị onye kwuo uche ya n'okpuruọchịchị dị n'ime Rivas Steeti.

"Ntuliaka a enyela ohere iwepu ọnọdụ gbata gbata"

Minista na-ahụ maka isi obodo Naịjirịa bụ Nyesom Wike ekwuola na nhazi ntuliaka okpuru ọchịchị emegheela ụzọ maka iwezuga ọchịchị gbatagbata nke Gọọmenti Etiti tinyere na Rivas Steeti kemgbe ọnwa ole na ole gara aga.

Wike kwuru nke a mgbe ọ tụchara vootu ya na Rumepirikom dị n'okpuru ọchịchị Obio/Akpo na ntuliaka e mere n'ụbọchị Satọde 30 Ọgọst, 2025.

"A maara m n'ọnọdụ gbatagbata ga-agwụ n'abalị iri na asatọ nke ọnwa Septemba, nke ahụ pụtara na Gọvanọ na ndị omeiwu steeti ga-alọghachi n'ọrụ ha, anyị ga-enwekwa ndị ọchịchị n'ọkwa okpuru ọchịchị," Wike kwuru.

Wike jara ndị haziri ntuliaka ahụ ike maka na ọ gara nke ọma na enweghị ọdachi ọbụla.

Cheta na Onyeisiala Bola Tinubu kwupụtara ọnọdụ gbatagbata na steeti ahụ maka ọgbaghara dị n'etiti Wike na onye nọchiri ya bụ Gọvanọ Simi Fubara.

Nke a mere Onyeisiala Tinubu jiri kwụsịtụ Fubara na ndị omeiwu steeti ahụ ọrụ nke ọnwa isii.

Wike tụrụ vootu na Rumepirikom dị n'okpuru ọchịchị Obio/Akpo

Minista na-ahụ maka isi obodo Naịjirịa bụ Nyesom Wike atụọla vootu na ntuliaka okpuru ọchịchị na-aga n'ihu na steeti ahụ.

Wike bụ aka chịburu steeti ahụ tụrụ vootu ya na mpaghara Rumepirikom dị n'okpuru ọchịchị Obio/Akpo bụkwa ebe ọ chịburu dịka onyeisioche ugboro abụọ.

Ọ bụ onyeisioche okpuru ọchịchị ime obodo ahụ n'afọ 1999 tupu ọ bụrụ gọvanọ steeti ahụ, bụ ebe ọ chịrị n'ọkwa ahụ site n'afọ 2015 ruo 2023.

Mgbe ọ tụchara vootu, Wike kọwara usoro ntuliaka ahụ dịka usoro udo ma kagbukwa nchegbu ndị mmadụ banyere ejighị Bimodal Voter Accreditation System (BVAS) eme ntuliaka ahụ.

Mgbe ntuliaka okpuru ọchịchị malitere na Rivas Steeti

Ndị bi n'okpuru ọchịchị iri abụọ na atọ dị na Rivas Steeti amalitela ịtụ vootu ha na ntuliaka a na-eme iji ahọpụta ndị isioche ga-ahụ maka ọchịchị ime obodo na steeti ahụ.

Ka ọ dị ugbua, ntuliaka na-aga n'ihu na mpaghara dị puku isii na narị asatọ na iri isii na isii dị na steeti ahụ.

Ntuliaka a na-abịa dịka ọ gachara ọnwa isii na abalị abụọ ụlọikpe kasị elu na Naịjirịa kagburu ntuliaka ime obodo nke Rivers State Independent Electoral Commission (RSIEC) mere n'abalị ise nke ọnwa Ọktoba, 2024, oge Siminialayi Fubara, Gọọmenti Etiti Naịjirịa kwụsịtụrụ ọrụ, bụbu aka na-achị steeti ahụ.

Akụkọ kwuru na mpụtara ntuliaka ahụ bụkwa ihe ga-amasị ndị isi ndọrọ ndọrọ ọchịchị dịka ihe ga-esi na ya pụta nwereike ikpebi ka a ga-esi hazie ntuliaka gọvanọ steeti ahụ n'afọ 2027.

Akụkọ kwuru na ntuliaka amaliteghị n'oge n'ụfọdụ mpaghara n'ihi na ụgbọala bu akụrụngwa iji atụ vootu eruteghị n'oge.

Ọzọ, ọ bụ pati iri na asaa n'ime out ndọrọ ndọrọ ọchịchị iri na itolu e nwere na Naịjirịa so na ntuliaka a nke e mere n'ụbọchị Satọde 30 Ọgọst, 2025.

Pati abụọ na-esonyeghi bụ Boot pati na African Democratic Congress (ADC).

Na ntuliaka a, otu na-ahụ maka nhazi ntuliaka na steeti ahụ bụ River State Independent Electoral Commission wepụtara aha ndị so na-azọ ọkwa onyeisioche ọchịchị ime obodo.

Nke a na-egosi na pati Peoples Democratic Party (PDP) nwere mmadụ atọ gụnyere - Gift Worlu (Obio/Akpor), Allwell Ihunda (Port Harcourt City), na Chukwu Ogbogu (Ogba/Egbema/Ndoni).

Pati All Progressive Congress (APC) nwere mmadụ iri abụọ nke ụfọdụ n'ime ha bụ ndị bụbu ndị isioche okpuru ọchịchị ime obodo bụkwa ndị si na pati PDP banye APC.